پاکستان د هند د دفاع وزیر هغو څرګندونو ته چې دوی به په پاکستان کې هم ترهګر په نخښه کوي ویلي، پاکستان د خپلې خپلواکۍ د ساتلو بشپړه وړتیا لري
د هند دفاع وزیر ویلي و چې څوک په هند کې ترهګریز بریدونه کوي او بیا پاکستان ته تښتي نو دوی به یې په پاکستان کې هم په نخښه کوي.
د دواړو اټومي طاقت لرونکو هېوادونو ترمنځ د یو او بل پرضد دغه بیانونه په داسې حال کې ورکړل شوي چې د ګارډین ورځپاڼې په یو راپور کې د پاکستان د استخباراتي سرچینو له خولې راغلي و چې د هند استخباراتي اداره د پاکستان دننه د پاکستاني وګړو په وژنو کې لاس لري.
