لاس رسیدونکی لینک

ترهگرۍ خلاف فرانس سره د یو والي لاریون


د امریکې خارجه وزیر جان کیري د هندوستان د سفر په مهال د لاریون په هکله یو بیان کې وویل هېڅ قسمه ترهگري د ازادۍ په حق کې د لاریون مخه نشي نیولی. هغه وویل د ترهگرۍ په غندنه او په دې د کرکې څرگندولو په لړ کې د فرانس سره یو ځائې ولاړ دي

د ترهگرۍ خلاف فرانس سره د یو والي څرگندولو دپاره پیرس کې د اتوار یا یکشنبې په ورځ په لکونو خلک لاریون کې برخه اخلي چې پکې د یو شمیر هیوادونو حکومتي مشران هم شرکت کوي.

د برطانيي وزیراعظم ډیوډ کیمرون، د جرمني چانسلره اینگیلا مرکیل، د اسرائیل وزیراعظم بینجمن نیټن یاهو، فلسطیني صدر محمود عباس او د اردن ملکه د لاریون شرکت کونکو کې شامل دي. د امریکې نمائندگي به مشر سرکاري وکیل ایرک هولډر کوي.

د امریکې خارجه وزیر جان کیري د هندوستان د سفر په مهال د لاریون په هکله یو بیان کې وویل هېڅ قسمه ترهگري د ازادۍ په حق کې د لاریون مخه نشي نیولی. هغه وویل د ترهگرۍ په غندنه او په دې د کرکې څرگندولو په لړ کې د فرانس سره یو ځائې ولاړ دي.

د خالي په ورځ د فرانس په مختلفو ښارونو کې شا او خوا ٧٠٠٠٠٠ خلکو په خاموشۍ کې لاریونونه ویستل او تیره هفته ترهگرۍ کې وژل شوو ١٧ کسانو په وژنه يي خفگان څرگند کړو.

د فرانس وزیراعظم مینویل والس چې د یهودیانو هغه دکان سره نزدې دستورې ته وینا کوله چې وسله وال پرې حمله کړې وه، وویل په لکونو خلک به د ازادۍ په حق کې لاریون کې برخه اخلي. هغه وویل د یهودیانو بغیر فرانس فرانس نه دی.

فرانس ته د روانیدو وړاندې اسرائیلې وزیراعظم بیجمن نیټن یاهو وویل فرانس او یورپ ته اسرائیل ته د یهودیانو د راتگ زیاتولو دپاره به د کابینې اړونده وزیرانو غونډه رابلي. هغه وویل اسرائیل دپاره یهودیانو نه یواځې دعا کوي بلکه د اسرائیل ریاست د یهودیانو کور هم دی.

XS
SM
MD
LG