لاس رسیدونکی لینک

خيبرپښتونخوا کې د کتابونو د لوستلو شوق په کمېدو دی


مدثر شاه
د تېرې يوې مودي راسې سرښار پېښور کې د جامو جوړولو او پېزارونو دوکانونو او فوډ سټريټ يا د خوراکونو د کوڅو جوړېدو کې اضافه په نظر راځي ، او نوې پلازې هم جوړيږي نو د بده مرغه کتابخانې په ختمېدو دي . او په دې حقله د ۶۰ؤ کالو زړې کتابخانې يونيورسټي بک ايجنسي مالک فضل الله وائس اف امريکا ډيوه ريډيو ته وايې چې د صدر بازار سعيد بک بنک وتړل شو او اسلام اباد ته لاړو . برټش کونسل لائبريري بنده شوې ده او پخوانۍ مکتبه سرحد هم د کتابونو د نه خرڅېدو په وجه خپله مکتبه بده کړه .
نوموړی زياتوي چې رو په رو عامو خلکو کې د کتابونو د لوستلو شوق په کمېدو دی . خو د خيبرپښتونخوا د ارکائيوز او لائبريرو ډائريکټر ظاهرالله خان بيا دې خبرې سره نه دی موافق او وايې ، چې د دويې اداره پېښور کې غټه لائبريري لري . چې يو لک پنځه ويشت زره ۱۲۵۰۰۰ کتابونه پکې دي او د غړو شمېره يې د ۹۰۰۰ نه سېوا ده . او هره ورځ د ۶۰۰ نه زيات کسان دلته مطالعې دپاره راځي . دی وايې چې دغه شان د صوبې نورو ښارگوټو کې د دويې ۱۰ نورې لائبريرۍ هم موجودې دي . خو وايې د کتابخانو بنديدل د شوقيانو کمی نه بلکې د ښار خرابه امنيتي وضعه ده .
ظاهرالله وايې چې دلته د پېسو دپاره تښتول او داسې نورو پېښو د کتابخانو مالکان دې ته اړ کړل چې خپل کاروبار دلته بند کړي .
خو نوموړی هيله من دی او وايې چې که حالات ښه شول نو يو ځل بيا به دويې واپس راشي .
بلخوا د کتابونو د لوستو يو شوقين نثار خان وايې چې انټرنېټ هم د کتابونو اهميت کمولو کې کردار لوبوي . خو زياتوي چې د معياري کتابونو بېعه ډېره وي او موجوده د گرانۍ ماحول کې که يو شوقين کتاب اخيستل هم وغواړي نو بوديجه ورته اجازت نه ورکوي چې گران کتاب ترلاسه کړي .
او د يونيورسټۍ بک ايجنسۍ مالک فضل الله د دې پوښتنې . چې ايا واقعتاً د کتابونو بېعه زياته ده ؟ جواب کې هغه وويل چې نورو هېوادونو کې حکومتونه په کاغذ او نورو مطبوعاتي موادو ټېکسونه نه لگوي خو دلته ښکاري داسې چې حکومت د کتاب او لوستې کلتور ته وده نه ورکول غواړي او دا يې ترجيحاتو کې نه ده شامله . دی وايې چې د انگريزۍ ژبې د خارج نه راغلي کتابونه د ټېکسونو په وجه ډېر گران وي او اکثره خلک دلته دخپل تعليم د کورس کتابونه ترلاسه کوي .
خو وايې د پښتو ادب کتابونو خرڅېدو کې اضافه شوې ده ځکه چې ۸۰م لسيزه کې چې افغانان دلته راغلل نو د پښتو ادب او کتابونو هم وده ومونده .
بلخوا ناقدان وايې چې په ځائې کچ د علم ، سياستونو، نړيوالو اړيکو او فلسفي کوم کتابونه ليکل کيږي هغې کې ژورتيا کمه وي خو دويې وايې که حکومت د کتاب د کلتور د پرمختگ دپاره خصوصي گامونه پورته کړل او مطبوعاتي ادارو ته يې مراعات اعلان کړل نو معياري کتابونه به وليکل شي او کتابخانې به يو ځل بيا ودانې شي .
XS
SM
MD
LG