لاس رسیدونکی لینک

کراچۍ: هوټل کې د اُور لګېدو له امله ۱۱ کسان مړه شوي


د هوټل چارواکو ویلي په باورچي خانه کې لګېدلي اُور او لُوګی په نور هوټل کې خور شوی دی.

د کراچۍ ښار په شاهراه فېصل سړک باندې د صدر په علاقه کې یو شخصي هوټل (ریجنټ پلازه) کې د اُور لګېدو پېښه کې ۱۱ کسان وژل شوي او۴۵ کسان ژوبل شوي دي.

د ښار د جنوبي ضلعې د پولیس چارواکو ویلي اُور د شپې لګېدلی او د هوټل چارواکو ویلي په باورچي خانه کې لګېدلي اُور او لُوګی په نور هوټل کې خور شوی دی.

پولیس پېښه کې د ۱۱ کسانو د وزنې پخلی کړی دی.

د ښار د جناح روغتون مشرې ډاکټرې سیمې جمالي هم پېښه کې د ۱۱ کسانو د وژنې پخلی کړی او ویلي يې په مړه شوؤ کې څلور ښځې او اووه سړي شامل دي په سړو کې د درېو کسانو پېژندګلو شوې چې ډاکټران دي.

د سیمې جمالي په وینا روغتون ته د اُور د پېښې نه اغېزمن نزدې ۷۰ تنه راوړل شوي چې ځينې پکې بهر ملکیان هم شامل دي.

ډاکټرې ویلي زیات خلک د لُوګي او ساه بندېدو نه اغېزمند شوي دي.

ریجنټ پلازه نومې هوټل د جناح روغتون سره نزدې موقعیت لري.

د چارواکو په وینا هوټل کې اُور مړ کړی شوی او ټول خلک ترې ویستل شوی دی.

د کراچۍ ښاروال وسیم اختر د شپې هوټل ته ورغلی او ویلي يې د هوټل نه حادثې په وخت د وتلو لار نه وه ځکه پکې خلک ګېر پاتې شوي دي.

راپورونه وايي نزدې په ۴۰۰ کمرو مشتمل هوټل کې خواؤشا ۳۰۰ کسان موجود وو.

وزیراعلی سندهـ مرادعلي شاه د پېښې نوټس اخستی او د پلټنو امر یې کړی چې اُور څنګه لګېدلی او د انتظاماتو معلومولو هدایات يې جاري کړي دي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG