پاکستان کې درې کاله وړاندې تښتول شوي امریکائي تن وارن وائینسټین میرمن ایلین وائینسټین ډیوه ریډیو سره یوه خصوصي مرکه کې د هغه تښتونکو ته اپیل کړی چې هغه دې د انساني خواخوږۍ په بنیاد پریښدي. ایلین وايي ټوله کورنۍ د هغه په جدائي کې غمژنه ده ځکه چې د هغه د ټول ژوند مرکز د نمسا نمسو خوشحالي وه.
میرمن ایلین وائینسټین په ژړوغونې انداز کې خپل پیغام کې وارن وائینسټین ته وویل زمونږ هیر نه يي او ستا د راخوشي کولو دپاره زمونږ چې څه هم وس وي هغه به کوو
میرمن ایلین وائینسټین په ژړوغونې انداز کې خپل پیغام کې وارن وائینسټین ته وویل زمونږ هیر نه يي او ستا د راخوشي کولو دپاره زمونږ چې څه هم وس وي هغه به کوو.
وران وائینسټین کال ٢٠١١ کې لاهور کې د خپل کور نه د روژې په میاشت کې وسله والو تښتولی دی. د هغه د بې درکه کیدو ورسته القاعده په انټرنیټ د هغه وډیو پیغامونه نشر کړې دي.
خو د هغه میرمن ایلین وویل هغوي ته نه ده معلومه چې وران وائینسټین د چا په ولکه کې دی او یا چرته دی.
ډیوه ریډیو ټیلې وژن سره مرکه کې ایلین د خپل خاوند په هکله وویل چې هغه یو عام امریکنی دی چې پاکستان کې د پرمختیه په منصوبو يي کار کولو او د تیښتونکو کومې غوښتنې د هغه سر نشې پوره کیدلی.
میرمن ایلین وویل په تیرو دریو کالو کې يي د وارن وائینسټین سره هیڅ رابطه نه ده شوي او نه ددې تښتونکو ورته دده د خوشي کولو په بدل کې څه غوښتنې وړاندې کړې دي.
میرمن ایلین وویل د امریکا او پاکستان حکومت سره په رابطو کې دي او دوي ته يي ډاډ ورکړی دی چې دوي څه هم کولی شي د وارن وائینسټین د ازادولو دپاره به يي کوي.
