لاس رسیدونکی لینک

پاکستان کې تندروي، د امام کعبې سفر او د اسلامي ورورولۍ وینا


محمد اکرام

د پاکستان مذهبي سیاسي ګوند جمعیت علماء اسلام ‎(ف) په یو داسې وخت کې په پیښور درې ورځنۍ غونډه کوي چې پاکستان په هیواد دننه د ترهګرۍ، مذهبې تندروۍ او فرقه ایزه نښتو سره مخ دی.

د خیبر پښتونخوا سرښار پیښور سره نزدې رابللې درې ورځنۍ غونډه کې د کعبې امام شېخ صالح الطالب او د سعودي عرب د مذهبي چارو وزیر شیخ صالح بن عبدالعزیز هم برخه اخلي.

پاکستان کې خلک سعودي عرب او بیا د مکې امام ته ډیر په درناوي ګوري او د هغوي خبرې د بل هر چا په نسبت زیاتې معتبرې ګنړي. د کعبې امام د جمعې په ورځ په خپله خطبه کې د اسلام په تعلیماتو او اسلامي ورورولۍ وینا کړې او د نورو مذهبي عالمانو په رنګ يې دا خبره تکرار کړې چې اسلام د امن او ورورولۍ دین دی.

پاکستان کې څیړنکاران واي دوي د کعبې امام نه طمع لرله چې نوموړی به د روان وخت راپیښو چیلنجونو او فرقه ییز تشدد مخ نیوي په سرهم خبري اوکړي چې پاکستان ورسره مخ دی او پکې په زرګونو خلکو خپل ژوند د لاسه ورکړی. خو امام کعبه په تندلاريتوب او مذهبي تشدد باندې د څه ویلو نه ډډه کړې.

څیړنکار خادم حسین وايي د کعبې امام یو غیر سیاسي تن دی او دا چې د نوموړي په یو سیاسي غونډه کې برخه اخستل دا ښکاره کوي چې سعودي عرب د پاکستان دننه د اتیایمې لسیزې په رنګ ځان لپاره ملګري ګوري.نوموړی وايي سعودي عرب په سټراټیجیکي توګه ایران په سیمه کې خپل رقیب ګنړي اوپه راتلونکې کې د جمعیت علماءاسلام په شان مذهبي ګوندونه د خپلو ګټو لپاه پکارولی شي.

پاکستان کې حکومت مخالفه ګوندونه د حکومت په هغه فیصله هم سختې نیوکې کوي چې تر مخه يې پخواني پوځي مشر جنرال راحیل شریف ته د ۳۹ سني اسلامي ملکونو ایتلاف مشرۍ کولو اجازت ورکړی.

د پاکستان ګاونډي ایران د ترهګرۍ پر ضد جوړ شوی د ۳۹ اسلامي هیوادونو دغه اتلاف په حقیقت کې د خپل ځان پر ضد ګنړي او ویلي دا به د اسلامي ملکونو یو والي ته زیان اورسوي.

د جمعیت علماءاسلام مرستیال مشر او د پاکستان د سېنټ مرستیال چېرمېن مولانا عبدلغفورحیدري یوه ورځ وړاندې په طالبانو غږ کړی وو چې تشدد دې پریږدي او ددوي د ګوند د چوکاټ نه دې د هیواد په سیاست کې برخه واخلي.

د پاکستاني طالبانو لاسونه د زرګونو ملکي خلکو په وینو سره دي چې د ملک په جمهوریت یقین نه لري. طالبان د ملک اوسنی نظام د مغرب یو پر ځای کړی نظام بلي او ددې په ځای د خپلې خوښې اسلامي شریعت راستل غواړي. جمعیت علما‌ء اسلام په ملک کې په سیاسي جمهوري نظام یقین لري او ددغه نظام لاندې په حکومتې ایتلاف کې شامل دي.

XS
SM
MD
LG