روانه اوونۍ چې کله د امریکا په مشرۍ عراقي ځواکونو تُندروه ډله د نمرود ښار نه وویسته، نو وې لیدل چې د عراق د لرغونو اثارو دا زوړ ښار کنډرپروت دی.
دغه ښار پله د عراقي ځواکونو د پرمختګ نه څو میاشتې وړاندې د داعش تُندلارو دغلته ټولې مجسمسې او تاریخي ځایونه تباه کړي وو کوم چې درې زره کاله پخواني وو، او د زغورت زیاتره اثار يې ویجاړ کړي کوم چې په نهمه صدۍ کې جوړ شوي او یو وخت تر ټولو لوړ ې ودانۍ وې.
د عراق د لرغونو اثارو کارپوهه سرمدالوان وایس اف امریکا ته ویلي نمرود په داسې ډول ویجاړ کړی شوی چې (( دا په ګرانه یقین ته پریوځي چې به بیا جوړ شي)).
دا لرغوني اثار د موصل په جنوب ختیځ کې نزدې په ۱۹ میله فاصله لرې موقعیت لري.
د نمرود نوم په الهامي کتابونو کې راځي او په نوي عصر کې دې ته کلهو ویل کيږي کوم چې د ۶۱۰ عیسوۍ نه تر ۱۳۵۰عيسوۍ پورې د شام د سلطنت پلازمینه پاتې شوی دی.
دا ښار نزدې درې زره کاله زوړ دی کوم چې د صدو نه د خاورو لاندې پټ ؤ او په کال ۱۸۴۹م کې د لرغونو اثارو پوهانو بیا راښکاره کړی ؤ.
