لاس رسیدونکی لینک

د انتخاباتو بلاگونه

Friday 15 December 2017

Calendar
December 2017
Sun Mon Tue Wed Thu Fri Sat
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

په افغانستان کې د وسله والو گوندونو په ضد د امريکه د جگړې نزدې 17 کاله پوره کیږي خو نه امريکایان او نه افغانان په سپينو او سکوټو ټکو کې دا ویلې شي چې ددې جگړې اختتام به کله کیږي؟ او ایا دا به په گټه که په بیلات تمامیږي-

په اسلام اباد کې افغان سفير او د صدر اشرف غني ځانگړی استازی ډاکټر حضرت عمر زاخیلوال وايي دا ځکه چې د افغانستان په اړه د پاکستان په تگ لاره کې څه بدلون نه ويني- هغه ډیوه ته په یوه ځانگړې مرکه کې اوویل خوش بينه دی چې د دواڼو هیوادونو ترمنځه اړيکې به سمې شي خو د حقاني شبکې په حقله ځمونږ غوښتنه لا منل شوې نه ده " مونږ چې څه پخوا ویلي دي په هغې کې څه بدلون نه دی راغلی، کوم مو چې باور دی په هغې کې هيڅ تغير نه دی راغلی"

ښاغلی زاخیلوال څو ورځې وړاندې د پاکستان پوځي مشر جنرال قمر باجوه سره ه ليده کاته کړي وو- ددغې ملاقات ورستو هم دا اونۍ د پاکستان د پوځ په مرکز جي ایچ کیو کې د پاکستاني جر نیلانو یوه غونډه شوې ده
ښاغلی زاخیلوال څو ورځې وړاندې د پاکستان پوځي مشر جنرال قمر باجوه سره ه ليده کاته کړي وو- ددغې ملاقات ورستو هم دا اونۍ د پاکستان د پوځ په مرکز جي ایچ کیو کې د پاکستاني جر نیلانو یوه غونډه شوې ده

د حضرت عمر زاخیلوال په حقله دا گمان کیږي چې هغه د دواڼو هیوادونو د اړيکو سمولو لپاره دنور کله په پرتله سفارتي هلې ځلې سوا کړي دي- ښاغلی زاخیل وال د تعلقاتو ښه کیدلو ته خوش بينه ښکاري خو دې خبرې منلو ته تیار نه دی چې گني پاکستان د افغانستان په حقله په خپله تگ لاره کې څه بدلون راوستې دی

ښاغلی زاخیلوال څو ورځې وړاندې د پاکستان پوځي مشر جنرال قمر باجوه سره ه ليده کاته کړي وو- ددغې ملاقات ورستو هم دا اونۍ د پاکستان د پوځ په مرکز جي ایچ کیو کې د پاکستاني جر نیلانو یوه غونډه شوې ده – دې غونډې ته د پوځ مشر قمر جاوید باجوه اوویل چې دترهگرو خلاف بغير د څه فرق نه عمیلیات کوي او دا چې دترهگرۍ خلاف جگړه کې ېې سترې قربانۍ ورکړي دي- هغه دا هم ويلي دي چې پاکستان په افغانستان کې امن او ثبات غواړي-

ډاکټر زاخیلوال وايي دوي دا مني چې پاکستان د ترهگرۍ خلاف جگړه کوي " مونږ په پاکستان کې د ترهگرۍ خلاف د جگړې پلوي یو خو چې په هغويي کې ښه او بد ونه لټول شي"

د افغانستان لخوا د پاکستان په کردار د شکونو سره سم امريکايي مشران هم په دې خوشحاله نه دي چې پاکستان اوس هم د افغانستان او د امريکې د دښمنانو سره کمک کوي-

تېره اونۍ په امريکايي مطبوعاتو کې رپورټونه چاپ شو چې صدر ډونلډ ټرمپ په افغانستان کې د روانې اوږدې جگړې د سکوټو نتيجو په نشتوالي ناقلاره دی- داگست په دویمه نیټه د این بي سي نیوز د خبر سرخي وه " د جرنیلانو سره په غونډه کې ټرمپ ويلي امریکه په افغانستان کې جگړه بایلي" صدر ټرمپ په وایټ هاوس کې د خپلو مشیرانو ېوې غونډې ته دا هم وویل " مونږ نزدې د اوولسو کالو راهسې په افغانستان کې یو- زه غواړم چې معلوم کړم ولې مونږ هلته دومره موده تیره کړله - هلته څه روان دي او مونږ په دې لړ کې نور څه کولې شو"

د صدر ټرمپ دد ې خبرو ورستو د امریکې د قامي سلامتیه سلاکار جنرل مک ماسټر اوویل چې صدر ټرمپ غواړي پاکستان دې د وسله والو د ملاتړ خپله تگ لاره بدله کړي- دمک ماسټر په خیال د تر هگرۍ خلاف د پاکستان تگ لاره د تضاداتو څخه ډکه ډه-

جنرل مک ماسټر دامرېکې یو زاړه پالي خبریال هیو هيوټ ته په مرکه کې دا هم ویلي وو – "صدر په ډاگه ويلي دي چې په سیمه کې د موجودو،هیوادونو په رویه کې بدلون لیدل غواړي، هغه هیوادونه چې طالبانو، حقاني ډلې او نورو تنظیمونو ته پناه ځایونه او مرکزونه ورکوي،"

د پاکستان د انگریزۍ ژبې یو اخبار ډان ليکي دا وړمبی ځل دی چې وسله والو سره د پاکستان د ملاتړ خبره د صدر ډانلډ ټرمپ له قوله رپورټ شوې ده-

تمه ده د صدر ټرمپ حکومت به ډیر زر د پاکستان او افغانستان لپاره د نوی تگ لارې اعلان وکړي- د امريکې د بهرنيو چارو وزير ټیلرسن ویلي دي چې د افغانستان او سيمې په اړه دامریکا نوې تګلاره به د سياسي او امنيتي حالاتو په رڼا کې اعلانېږي.

ښاغلي ټیلرسن دا هم ويلی دي چې د جګړې نه پرته دافغان ستونزې هواري دپاره نورې لارې چارې هم شته دی - هغه وايي چې جګړه په دې خاطر نه کوي چې گني بله لار نشته-

ټیلرسن دا خبره په داسې حال کې کړې چې د افغانستان لپاره د امريکا ځانګړې استازي او د امريکا د استخباراتي ادارې (سي اى ای) مشر کابل ته د سفر نه وانشگټن ته ستانه شوي دي –

د څیړونکو په خیال د امريکه د نوې تگ لارې په جزیاتو کې په پاکستان د نورو بندیزونو او د وسله وال گوندونو سره د خبرو اترو کولو امکانات ويني-

د نوي صدر د انتخاب لپاره ووټونه پارلیمان او څلورو واړو صوبائي اسمبلو کې اچول کیدل
دنهې په ورځ پاکستان کې ترسره شوؤ صدارتي انتخاباتو کې دواکمن گوند پاکستان مسلم ليگ(ن) اميدوار ممنون حسين دغيرحتمي نتيجو ترمخه په واضحه اکثريت سره دپاکستان ١٢م صدر منتخب شوى دى.
دصدارتي انتخاب لپاره د ووټونو اچولو عمل دشيډول مطابق سحر لس بجې شروع شو ، چې پرته له کومې دمې څخه دماسپښين تر دريوؤ بجو روان ؤ.
په دغه انتخاباتو کې دواکمن گوند مسلم ليگ(ن) ممنون حسين اؤ دحزب اختلاف دتحريک انصاف جسټس(ر) وجيهه الدين ترمينځ مقابله وه.
دغيرحتمي نتيجو ترمخه ممنون حسين تر دې مهاله ٣٧٥ اليکټورل ووټونه ترلاسه کړي اؤ دپنجاب اسمبلۍ نتيجې لا مخې ته راتلل پاتې دي.
همدغه شان دتحريک انصاف جسټس(ر) وجيهه الدين ٧٣ ووټونه اخستي دي.
دپاکستان په قومي اسمبلۍ کې دحزب اختلاف تر ټولو ستر گوند پاکستان پيپلز پارټۍ دسپريم کورټ په وينا دانتخاباتو په نيټه کې دبدلون له امله اليکشن څخه دبائيکاټ اعلان کړى ؤ.
دپيپلز پارټۍ، عوامي نيشنل پارټۍ اؤ مسلم ليگ(ق) دبائيکاټ له امله دسينيټ د١٠٣ؤ اهل ووټرانو څخه تقريباً ٥٠ؤ ووټرانو دخپل رايې حق استعمال نۀ کړى شو اؤ په سندهـ اسمبلۍ کې دپيپلز پارټۍ ٩٠ ووټونه نۀ دي اچول شوي.
ميډيا سره خبرو کې ممنون حسين وئيلي دي چې دڅو کسانو دبهر کيدو له امله انتخابي عمل لانجمن نۀ دى جوړ شوى اؤ دصدر دمنتخب کيدو وروستو به دگوند دغړيتوب څخه مستعفي شي.
سينيټ، قومي اسمبلۍ،دخيبرپښتونخوا، سندهـ اؤ بلوچستان اسمبلو کې دووټونو دشميرنې عمل مکمل شوى اؤ پنجاب اسمبلۍ کې داچول شوؤ ووټونو شميرنه روانه ده.
دقومي اسمبلۍ اؤ سينيټ ٣١٤ؤ غړو ووټونه اچولي چې پکې ممنون حسين ٢٢٧ اؤ جسټس(ر) وجيهه الدين ٣٤ ووټونه ترلاسه کړي اؤ درې ووټونه مسترد شوي دي.
بلوچستان اسمبلۍ کې ممنو حسين کامياب شوى، بلوچستان اسمبلۍ کې ټول ٥٦ ووټونه اچول شوي چې پکې ممنون حسين ٥٥ ووټونه حاصل کړي اؤ دتحريک انصاف جسټس وجيهه الدين ته يو ووټ ترلاسه شوى.
همدغه شان په سندهـ اسمبلۍ کې ټول ٦٩ ووټونه اچول شوي چې پکې ممنون حسين ته ٦٤ اؤ جسټس (ر) وجيهه الدين احمد ته پينځه ووټونه ترلاسه شوي دي.
خيبرپښتونخوا اسمبلۍ کې دصدارتي انتخاب لړ کې دووټنگ عمل مکمل شوى چې پکې وجيهه الدين کامياب شوى دى.
خيبرپښتونخوا اسمبلۍ کې ټولو ١١٠ؤ غړو دخپلې رايې حق استعمال کړى ، چې پکې جسټس(ر) وجيهه الدين ته ٦٩ اؤ د(ن) ليگ ممنون حسين ته ٤١ ووټونه ترلاسه شوي دي.
په پارليمان هاؤس کې داسلام اباد هائيکورټ چيف جسټس اؤ صوبائي اسمبلو کې صوبائي مشرقاضيانو دپولنگ ددغه عمل څارنه کړې ده.
دپاکستان دموجوده صدر اصف علي زرداري دپينځه کلن صدارت موده په ٨م ستمبر ختميږي ، چې له دې وروستو به ممنون حسين دخپلې عهدې سوگند اخلي.
دپاکستان په تاريخ کې په لمړي ځل په جمهوري انداز کې داقتدار دمنتقلۍ وروستو دا لمړۍ صدارتي ټاکنې دي.
امکان دى چې مسلم ليگ(ن) ته به ٥٢٠ ووټونه ترلاسه شي، خو ورته دصدارتي کانديد دکاميابولو لپاره يواځې د٢٦٣ؤ ووټونو ضرورت دى اؤ دغه گوند دکومې بلې سياسي ډلې دملاتړ پرته د٢٨١ ؤ ووټونو دترلاسه کولو په پوزيشن کې دى.
متحده قومي موومنټ، مسلم ليگ(ف) پښتونخوا ملي عوامي پارټي، قومي وطن پارټي، نيشنل پيپلز پارټي، نيشنل پارټي، مسلم ليگ ضياء گروپ، عوامي جمهوري اتحاد پاکستان اؤ ازاداميدواران هم دممنون حسين ملاتړ کړى.
له دې وړاندې دگل په ورځ داليکشن کميشن يو چارواکي وئيلي ؤ چې دائين دارټيکل ١٢م لاندې دصدارتي انتخاب نوى شيډول جاري کړل شوى اؤ دغه انتخاب به دخفيه رايې شميرنې په ذريعه کيږي اؤ چيف اليکشن کمشنر فخرالدين جي ابراهيم ټولو پريزائيډنگ افسرانو ته هدايات جاري کړي وؤ چې هغوي دې دپولنگ په مهال درايې عمل په هرممکن طريقې سره خفيه وساتي.
هغه وئيلي ؤ چې دپولنگ په مقام به کوم ووټر ته دموبائيل فون اؤ دداسې قسمه اليکټرانک الې دراوړلو اجازت نۀ وي ، چې عکسونه ويستلى شي.

نور کتل

XS
SM
MD
LG