لاس رسیدونکی لینک

تازه خبر

ووټل: امریکه په پاکستان کې یواړخیز عملیات نه کوي


د امریکې د پوځ د مرکزي قرارګاه (سنټرل کمانډ) مشر جنرال جوزیف ایل ووټل د پاکستاني پوځ مشر جنرل قمر جاوید باجوه ته ویلي، چې امریکه په پاکستان کې دننه د یواړخیزه عملیاتو اراده نه لري

د پاکستاني پوځ د مطبوعاتو څانګه وایي، امریکایي جنرل له پاکستانه وغوښتل، چې د هغو افغانانو په قابو کولو کې ورسره مرسته وکړي، چې د پاکستان خاوره د افغانستان په ضد کاروي او د امریکایي جنرل په وینا دې کار د ترهګرۍ په ضد جګړه کې د پاکستان اغېز کمزوری کړی دی.

د پاکستاني پوځ مشر جنرل ووټل ته په ځواب کې ویلي، په پاکستان کې د افغان [طالبانو] د فعالیتونو په اړه د امریکې له اندېښنو ښه خبر دی او وار له مخه یې لا د ردالفساد عملیاتو په نامه یې د هغوی په ضد ګامونه اخیستي دي.

جنرال جوزیف ایل ووټل او یوه بل امریکایي سنېټر د پاکستان د پوځ مشر جنرال جاوید باجوه ته ټلیفون کړی او پر پاکستان د ټرمپ تر نیوکو او پوځي مرستې ځنډېدو وروسته حالاتو باندې یې ورسره خبرې کړې دي.

جنرل ووټل جنرل باجوه ته ویلي، چې امریکه د ترهګرۍ په ضد تش په نامه جګړه کې د پاکستان رول ته ارزښت ورکوي او په دې نظر دی چې د دغو دواړو هېوادونو د اړیکو تر منځ وروستی تاوتریخوالی یو "لنډمهالی پړاو" دی.

د پاکستاني پوځ د مطبوعاتو څانګه وایي، جنرل باجوه جنرل ووټل ته وویل، د پاکستان ټول خلک د امریکې د حکومت پر وروستیو بیانونو د خیانت احساس کوي، چې د پاکستان د لسګونو کلونو پر مرسته یې سترګې پټې کړې.

جنرل باجوه د امریکایي پوځ مرکزي قومندان ته باور ورکړی، چې پاکستان به حتی د امریکې له مالي مرستې پرته هم د ترهګرۍ په ضد خپلو مخلصانه هڅو ته همداسې دوام ورکړي، څنګه چې اوس د خپلو ملي ګټو په خاطر د ترهګرۍ په ضد جنګېږي

جنرل باجوه پر دې خبره هم ټینګار وکړ، چې پاکستان د پوځي مرستو غوښتونکی نه دی، خو هیله من دی، چې د ترهګرۍ په ضد جګړه کې شراکت، قربانیو او بېساري ملاتړ ته یې د عزت په سترګه وکتل شي.

د پاکستاني پوځ د مطبوعاتو د څانګې په رپوټ کې دا هم راغلي، چې د پاکستان او امریکې د پوځي مشرانو په خبرو کې دا خبره هم وسنجول شوه، چې پاکستان به سره له دې چې امریکه یې هڅو ته پام نه کوي، په افغانستان کې د امن لپاره د هر ډول اقداماتو ملاتړ کوي، ځکه چې وایي په أفغانستان کې امن په سیمه کې د دایمي امن او ارامۍ لپاره یواځینۍ لار ده.

جنرل ووټل په خپلو خبرو کې د پاکستان وروستۍ هڅې اغېزمنې وګڼلې او امریکې ته یې دا باور ورکړ، چې په پاکستان کې د افغان کډوالو له مېلمپالنې منفي ګټه نه ده اخیستل شوې.

جنرل ووټل دا خبره هم ومنله، چې دغه دواړه هېوادونه باید یو له بل سره ودرېږي او د یو بل ګډې مرستې تر لاسه کړي.

د ۲۰۱۸م کال په لومړۍ ورځ د پاکستان په اړه د ولسمشر ټرمپ تر لومړي ټویټ او پر پاکستان د پوځي مرستو د بندېدو تر اعلان وروسته د پاکستاني چارواکو له خوا ډېر له غوسې او جذباتو ډک غبرګونونه څرګند شول، خو د پاکستاني پوځ په خپلو ځوابونو کې له احتیاط او اعتداله کار واخیست او داسې ښکاري چې د دغو دواړو هېوادونو تر منځ د پوځ په کچه اړیکې به دغه دواړه هېوادونه بیرته یو بل ته را نیژدې کړي.

  • 16x9 Image

    بارکوال میاخېل

    بارکوال میاخېل لیکوال او خبریال دی، په واشنګټن ډي.سي کې له وي او اې ډیوه سره د ملټي مېډيا، ویبپاڼې او ادبي پروګرامونو په برخه کې کار کوي. پر بېلابېلو سیاسي، ادبي، ټولنیزو او کلتوري موضوعاتو رپوټونه جوړوي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG