لاس رسیدونکی لینک

تازه خبر

د امریکې او پاکستان د خوږو ترخو تعلقاتو په تاریخ یو نظر


 د امریکې پخوانی صدر براک اوباما او نور چارواکې په ایبټ اباد کې د اوسامه بن لادن په کور د امریکايي ځواکونو اپریشن په ټیلي وژن گوري
د امریکې پخوانی صدر براک اوباما او نور چارواکې په ایبټ اباد کې د اوسامه بن لادن په کور د امریکايي ځواکونو اپریشن په ټیلي وژن گوري

په کال ١٩۴٧ کې د پاکستان د قیام سره سم امریکې د پاکستان سره خپل سفارتي تعلقات برابر کړل. که څه هم د دواړو هیوادونو اړیکي د خوږو او ترخو نه تیر شوي خو د خپلو مفاداتو په خاطر دواړو هیوادونو په ملگرتیا کې د یو بل سره د احتیاط نه کار اخیستی دی.

د وي او اې خبریالې مریسا میلټن د امریکې او د پاکستان د تلعلقاتو په تاریخ یو نظر اچولی دی.

امریکا په هغه وړمبو هیوادونو کې شامل ملک و چې په کال ١٩۴٧ م کې یې پاکستان د یو ازاد ریاست په توگه تسلیم کړو.

په کال ١٩٥۴ م کې پاکستان خپل ځان د دې مخمصې نه راویستلو چې د هغه وخت سویت یونین او که د امریکې سره ځان نژدې کړي او په دغه کال کې یې د امریکې سره یوه معاهدې لاس لیک کړه

ددې معاهدې د لاندې پاکستاني پوځي افسران د تربيي لپاره امریکې ته تللی شول او په بدل کې پاکستان په راولپنډۍ ښار کې د امریکايي پوځي مشیرانو یوې ډلې ته د کار اجازت ورکړو.

په کال ١٩٥٦ م کې پاکستان د پیښور سره نژدې د بډه بیرې پوځي هوايي مرکز امریکې ته په اجاره ورکړو. د روس په بیلسټک مزایلو باندې د نظر ساتلو دپاره امریکې په بډه بیره کې هوايي ځواکونه پرځای کړي وو خو په کال ١٩٦٠ کې روس په خپل فضايي سرحد کې د امریکې یو جنگي جهاز راوغورځولو. دغه جهاز د بډه بېرې نه پرواز کړی و. ددې ورسته پاکستان د بډه بېرې مرکز بیرته واخیستو او د امریکې نه یې گله وکړه چې د هوايي مرکز د استعمال په اړه یې ورته دروغ ویلي وو.

په کال ١٩٦٢ کې د هغه وخت د امریکې صدر جان ایف کینډي هندوستان ته د پوځي او اقتصادي امداد وړاندیز وکړو چې پاکستان پرې سخت ناراضه شو.

په ١٩٦٥ م کې د پاکستان او د هندوستان ترمنځ د جنگ په نښتو امریکې د دواړو هیوادونو هر ډول امداد بند کړو.

په ١٩٧٠ کې د پاکستان په منځگړیتوب امریکې او چین خپل ترمنځه روابط برابر کړل او یو کال ورسته په وړمبي ځل یو امریکايي صدر د چین دوره وکړه.

په کال ١٩٧١ کې په بنگال کې د هندوستان سره د جنگ په مهال امریکې یوارې بیا د پاکستان امداد بند کړو. پاکستان ته د امریکې امداد خو څلور کاله ورسته بحال شو سره ددې چې د هندوستان او پاکستان ترمنځ د ایټمي زغل په موضوع د دواړو هیوادونو ترمنځ کړکیچ موجود و.

د امریکې پخوانی صدر جمي کارټر
د امریکې پخوانی صدر جمي کارټر

په کال ١٩٧٩ کې د صدر جمي کارټر حکومت د پاکستان د ایټمي هلو ځول په سر یو وارې بیا د اسلام اباد پوځي امداد وتړلو خو هم دغه کال کې په افغانستان کې د روس د مداخلت ورسته امریکې پاکستان ته په اینده پنځو کلونو کې د درې اشاریه دوه ارب ډالرو امداد ورکولو لوظ وکړو او د روس خلاف جنگ کې پاکستان د امریکې نژدي اتحادي شو.

په ١٩٩٠ کې د صدر جار ایچ ډبلیو بش د پاکستان د ایټمي پروگرام د پاکستان پوځي امداد بند کړو او پاکستان ته د امریکې د پوځي ساز او سامان انتقال ځنډول شو چې پکې ایف ١٦ جنگي جهازونه هم شامل وو.

د ١٩٨٩ نه د ١٩٩٣ پورې د امریکې صدر جارج ایچ ډبلیو بش
د ١٩٨٩ نه د ١٩٩٣ پورې د امریکې صدر جارج ایچ ډبلیو بش

په کال ٢٠٠١ کې په امریکې د القاعده د حملو ورسته، د ترهگرۍ خلاف جنگ کې پاکستان یو وارې بیا د امریکې اتحادي شو او په کال ١٩٩٨ م د پاکستان د ایټمي ازموینو په سر لگلول شوي پابندۍ امریکې ختمې کړې.

په ٢٠٠٣ کې د ترهگرو خلاف جنگ د پاکستان د مرستې په بدل کې امریکې د پاکستان ته ورکړې یو ارب ډالرو قرض معاف کړو. په کال ٢٠٠٥ کې په پاکستان کې د خونړۍ زلزلې ورسته امریکې پاکستان د ٥١٠ میلینه امداد ورکړو.

په کال ٢٠٠٩ کې د پاکستان صدر جنرل پرویز مشرف ومنله چې پاکستان د امریکايي امداد زیاتره برخه هندوستان پرضد د هیواد دفاع په مضبوطولو مصرف کړی دی.

په کال ٢٠١٠ کې د امریکايي او پاکستاني استخباراتي ادارو په مشترکه کاروايي کې د افغان طالبانو یو مرکزي مشر ملا عبدالغني برادر ونیولو. ملا برادر طالبانو د مشر ملا عم نایب و.

په کال ٢٠١١ کې د امریکي د عسکرو خصوصي دستې په ایبټ اباد کې د پوځ د تربيي مرکز کاکول سره نژدې په یو کور کې د القاعده مشر اوسامه بن لادن ووژلو. په نتیجه کې د دواړو هیوادونو تعلقات بیان د تاو تریخوالي ښکار شول. په اولسي کچه د پاکستان په خاوره د امریکايي په کاروايي د قهرجن ردعمل په ځواب کې د پاکستان د پوځ او د سویلین حکومت دریځ و چې پاکستان ته د وړاندې څخه د بن لادن خلاف د کاروايي اطلاع نه وه ورکړی شوي.

بن لادن
بن لادن

په کال ٢٠١٢ کې پاکستان ډاکټر شکیل افریدي ته د غدارۍ په الزام د٣٣ کاله قید سزا واروله. ډاکټر شکیل افریدي د بن لادن په لټولو کې امریکې سره مرسته کړې وه. ډاکټر شکیل افریدي ته د قید سزا په ځواب کې د امریکې کانگرس پاکستان ته د ٣٣ میلن ډالرو امداد وځنډولو.

په کال ٢٠١۴ کې امریکې د طالبانو یو اهم غړی لطیف محسود چې امریکايي ځواکونو په افغانستان کې نیولی و، پاکستان ته وسپارلو.

او د کال ٢٠١٨ م د جنورۍ په دویمه نیټه د صدر ډانلډ ټرمپ حکومت اعلان وکړو چې پاکستان ته به د ٢٢٥ میلین ډالرو امداد په ځنډ کې وساتي ځکه چې پاکستان د ترهگرۍ خلاف جنگ کې په مناسب ډول کردار نه دی ادا کړی.

ځانګړې ویډیوګانې


د امریکايي خبریال د روس په زندان کې کال پوره کېدونکی دی
please wait

No media source currently available

0:00 0:04:17 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG