د امریکې په نیویارک ښار کې د گل، دوشنبې، په ورځ یو تن د نل یا پایپ نه جوړ بم وچلولو چې په نتیجه کې یې هغه خپله او درې نور کسان زخمیان شول او د نیویارک ښاروال یا مئیر وویل دا د "ترهگر حملې" کوښښف و.
د نیویارک د پولیس مشر جیمز اونیل د مشکوک حمله کونکي شناخت د ٢٧ کلن عقایدالله په نوم د یو تن کړی دی. هغه وویل مشکوک حمله کونکی هسپتال ته منتقل کړی شوی دی او د زخمونو د سوزیدو علاج یې کولی شي.
د نیویارک ښاروال یا مئیر سره په شریکه خبریالانو سره په خبرو کې اونیل وویل مشکوک حمله کونکي قصداً پایپ بم خلاص کړو. د حملې کوښښ د نیویارک د بسونو اډې سره نژدې شوی دی.
د وایټ هاوس ترجمانې سیره هوکبي سېنډرز په ټوېټر خپل پیغام کې وویل صدر ډانلډ ټرمپ ته د پیښې په اړه معلومات ورکړی شوي دي.
د امریکې د قامي سلامتیه ادارې ډپارټمنټ اف هوم لینډ سکیورټی ویلي د نورو اوړونده ادارو سره یې د واقعې تحقیقات پیل کړې دي.