د امریکې صدر ډانلډ ټرمپ ددې فیصلې ورسته چې په کال ٢٠١٥ م کې د ایران او د نړي والو قوتونو ترمنځ شوي د ایټمي معاهده منظوري به نه کوي، څیړونکي وايي واشنگټن به وس د وړاندې تگ لپاره نورې لارې چارې لټوي.
په دې وینا چې ددې معاهدې "تصدیق نه وس او نه په اینده کېکولی شو" صدر ټرمپ د تیرو څو هفتو راهسې د ایران د ایټمي معاهدې په اړه تجسس ختم کړو.
د امریکې حکومت د ایران د ایټمي معاهدې په اړه د صدر ټرمپ د فیصلې دفاع کوي. ایران سره لوظنامه پخواني صدر براک اوباما د خپل حکومت اهمه کامیابي گڼله. د معاهدې ترمخه د ایران ایټمي هلې ځلې د پنځو کلونو دپاره پرځای ودرولې خو د هیواد د مزایلو پروگرام او نور لانجمن موضوعات په خپل ځاې وساتل شول.
ملگرو ملتونو لپاره د امریکې سفیرې میرمن نکي هېلي ویلي د ایټمي وسلو په تکل کې د ایران مخه به نیسي.
میرمن نکي هیلي وویل د ایران په چارو خاموشه نشي پاتې کیدی او نه دا لیدلی شي چې ایران دې په نړۍ کې د ترهگرو ملاتړ کوي او د مزایلو ازموینې دې جاري وساتي
د اسرائیل وزیراعظم بینجمن نیټی یاهو د صدر ټرمپ د گامونو ستاینه کړې ده خو د ایران سره په لوظنامه کې شامل نورو هیوادونو په دې لړ کې د امریکا په پرمختگ ناخوښي څرگنده کړي ده.
د جرمني خارجه وزیر سگمر گیبرئیل ویلي یورپي هیوادونه، جرمني، فرانس او برطآنیه په لوظنامه کلک ولاړ دي او غواړي چې دا دې پرځائې وساتل شي.
د امریکې فیصله د ایران نه پرته هم اثرات لرلی شي جرمن خارجه وزیر وویل که چرې د ایران سره معاهده ختمه شویه نو بیا به خلک د امریکې سره په مذاکراتو یقین نه کوی. هغه وویل "د ایران سره شوې لوظنامه دا ثابتوي چې د جنگ حل په خبرو کښې شته او مونږ د مذاکراتو دلارې یو هیواد د ایټمي وسلو ترلاسه کولو نه منع کولی شو خو که دا لوظنامه وس د پښو د لاندې شوه نو سبا به بیا څوک په لوظنامو او خبرو اترو باور و نه لري."
د امریکې انتظامیه وايي صدر ټرمپ ښه خبر دی چې شمالي کوریا د ایران د صورتحال په نظر ساتلی دی.
میرمن نکي هیلي وايي "دا د شمالي کوریا لپاره واضحه پیغام دې چې مونږ خرابه لوظنامه نشو زغملې."
وس په داسې حال کې چې خبره د امریکا کانگریس ته تللي ده او هلته د ډیموکریټک گوند د صدر ټرمپ دا گام غندنه کوي خو د ریپبلیکن پارټۍ ځیني غړي گڼی چې دا په لوظنامه کې د خامیو لرې کولو موقع ده.
د ریپبلکن سینیټره میرمن سوزن کولنز وايي د لوظنامي د لاندې ایران په دمه دمه د اېټمي وسلو ترلاسه کولو په لوري ته روان و. میرمن کولنز وايي "
د شوې لوظنامې ترمخه ایران ته لار خلاصه پرته وه چې ښه په قلاره اېټمي وسله جوړه کړي."
صدر ټرمپ ته په ځواب کښې د ایران صدر ویلي چې د خپل خواه نه به د ایټمي لوظنامې پالنه جاري ساتي خو هغه دا دریځ واضحه کړو چې د میزایلو او د نورې وسلې په جوړولو به هیڅ قسم سودا ونکړي.
