لاس رسیدونکی لینک

په اسلام آباد کې ډېنېل پرل نړیوالې موسېقۍ کنسرټ تر سره شوی


Daniel Pearl Music Day 02

په اسلام آباد کې د امریکا سفارت او د پاکستان اولسي موسېقۍ سوساېټۍ په ګډه د موسېقۍ یو خوندور مجلس شویدی. دغه کنسرټ یا مجلس د ډېنېل پرل نړیوالې موسېقۍ ورځ په مناسبت لمانځل شوی او مقصد ېي نړۍ ته د د موسېقۍ د لاری د امن روایات رسول دي.

د اسلام آباد په لوک ورثه مېوزېم کې شوي دغه خوندوره دستوره کې د پاکستان د موسېقۍ څلورو پېژندلو ګروپورنو یا ډلو برښه اخستې ده. په دغه کنسرټ کې د پاکستان د پېژندلو ادبي پوهانو تر څنګ نزدی ۵۰۰ مېنه والو برخه هم اغستی ده.

د موسېقۍ دغه کنسرټ یا پروګرام هر کال د امرېکې د وال سټرېټ جنرل ورځ پانړی د وژل شوی خبریال ډېنېل پرل په یاد کې لمانځل کېږي. چې مقصد ېي د موسېقۍ په ژبه نړۍ ته د زغم او خواخوګۍ پېغام ورکول دي. د کال ۲۰۰۲م راهسې دغه تنظېم لخوا د نړۍ په ۱۲۹ هیوادونو کې د ۱۱۰۰۰ نه سوا پروګرامونه شویدي. په اسلام آباد کې د امریکاېي سفارت ناېب کلتوري اتاشي جېمز کاروېن پدغه محال په وینا کې وېلي د دغې کنسرټ مقصد د موسېقۍ په لار د زغم او د نورو خلکو د احترام سبق ښودل دي.

په اسلام آباد کې د امریکا سفارت په پاکستان کې د موسېقۍ د پروګرامونو د ودی لپاره یو ملېن ډالرو نه سوا مرسته اعلان کړیده. د دغې تر مخه هر کال ګڼ شمیر پاکستاني هنر مندان د یو خصوصي پروګرام د لاری د امریکا سفر کوي او په امریکا او د نړۍ په نورو هیوادونو کې خپله موسېقي خلکو ته وړاندی کوي.

ډېنېل پرل د وال سټرېټ جنرل سره کار کونکې امریکاېي خبریال وو چې په کال ۲۰۰۲م کې د ترهګرو لخوا د تښتول شوی وو او وروستو بیا د ترهګرې ډلې القاعده غړي خالد شېخ محمد وژلې وو. د خپل مرګ په وخت ډېنېل پرل په هند کې د وال سټرېټ جرنل بېورو چېف وو او د یو خبر د معلوماتو لپاره د پاکستان په سفر تللې وو.

XS
SM
MD
LG