لاس رسیدونکی لینک

رپورټ: امریکا به کیوبا په اړه د ملگرو ملتونو په قرارداد ووټ نه اچوي


خو تیر کال د اکتوبر د میاشت راهسې د امریکې او کیوبا په تعلقاتو کې بهتري راغلې ده او د پنځه څلویښتو کلونو رقابت يي ختم کړی، سفارتي تعلقات يي بحال کړي او کیوبا په واشنگټن کې او امریکې د کیوبا سرښار هوانا کې خپله سفارتخانه بیا پرانستلې ده

امریکائي چارواکو ویلي دا میاشت د ملگرو ملتونو د جنرل اسمبلۍ یا عمومي غونډې په مهال په کیوبا باندې د امریکې د اقتصادي پابندو ختمولو دپاره د ووټ اچولو په عمل کې به برخه نه اخلي.

د تیرو ٢٥ کلونو راهسې کیوبا د جنرل اسمبلۍ په موقع ددغې مسلې په اړه قراردادونه وړاندې کوي او وايي د امریکې لخوا لگول شوي اقتصادي پابندۍ د هیواد د خپل واکۍ او نورو هیوادونو سره په ازادانه توگه د تجارت د قوانینو خلاف ورزي کوي. په تیرو دواو کلونو کې یوازې امریکې او اسرائیل ددغه قرارداد مخالفت کړی دی.

خو تیر کال د اکتوبر د میاشت راهسې د امریکې او کیوبا په تعلقاتو کې بهتري راغلې ده او د پنځه څلویښتو کلونو رقابت يي ختم کړی، سفارتي تعلقات يي بحال کړي او کیوبا په واشنگټن کې او امریکې د کیوبا سرښار هوانا کې خپله سفارتخانه بیا پرانستلې ده.

صدر براک اوباما په کانگرس غږ کړی چې په کیوبا لگیدلې اقتصادي پابندۍ دې ختمې کړي خو د حزب اختلاف ریپبلیکن پارټۍ اکثریت د لاندې کانگرس لا په دې اړه څه عملي اقدامات نه دي پورته کړې. تیره هفته صدر اوباما وویل په داسې مهال چې په کیوبا د امریکې پابندۍ لا پرځائې دي، د هغه حکومت به په مرحله وار ډول داسې گامونه اخلي چې کیوبا دپاره نرمۍ پیدا شي.

د امریکې ایسوسې ایټډ پریس نومې خبري ادارې د څلورو امریکائي مامورینو په حواله ویلي که سږ کال په جنرل اسمبلۍ کې د قرارداد متن د تیرو کلونو نه بدل کړی شو نو امریکا به په قرارداد د ووټ اچولو په عمل کې برخه نه اخلي، چې مطلب به يي دا وي چې امریکا به نه د قرارداد په حق کې او نه ددې په مخالفت کې ووټ اچوي.

XS
SM
MD
LG