لاس رسیدونکی لینک

ملگرو ملتونو په بنگله دیش کې روهینگا کډوالو ته امدادي سامان ولیږلو


په میانمار کې د تشدد دلاسه ۴٠٠٠٠٠ روهینگا مسلمانانو بنگله دیش ته کډه کړې ده او یونیسف وايي په کډوالو کې ٦٠ فیصد ماشومان دي.

د ملگرو ملتونو د ماشومانو د خیرښیگړې ادارې یونیسف ویلي د روهینگا کډوالو ماشومانو دپاره يي د امدادي سامان ډک ټرکونه لیږلي دي.

په میانمار کې د تشدد دلاسه ۴٠٠٠٠٠ روهینگا مسلمانانو بنگله دیش ته کډه کړې ده او یونیسف وايي په کډوالو کې ٦٠ فیصد ماشومان دي.

په بنگله دیش کې د ملگرو ملتونو د ماشومانو د خیر ښیگړې ادارې یونیسف نماینده ایډرډ بایگ بیډر وویل د روهینگا کډوال د هرقسم مرستې ته اړتیا لري خو دا وخت هر شی انتهايي ناپید دی.

هغه وویل د سرپناه دپاره سامان، خوراک او د څښلو صفا اوبه د انتهايي ضرورت شیان دي چې کډوال ورته سترگې په لاره دي.

بایگ بیډر وویل په ځمکني حالات دا دي چې ماشومان د اوبو دلارې خوریدونکو ناروغو خطر سره مخامخ دي او په راتلونکو ورځو کې د ماشومانو د تحفظ انتهايي گران کار ور په غاړه دی.

د زیارت، پنجشنبې، په ورځ چې یونیسف روهینگا کډوالو ته کوم امدادي سامان ور ولیږلو په دې کې اوبه، د صفاې شیان، جامې او نور د بنیادي ضرورت څیزونه شامل وو.

روهینگا کډوالو ته د یونیسف د سامان لیږلو اعلان په داسې حال کې شوی چې یوه ورځ وړاندې د ملگرو ملتونو مشر یا جنرل سیکریټري ایټونیو گوټیریس روهینگا مسلمانان چې دا وخت د کوم صورتحال سره مخامخ دي دا د نسل کشۍ برابر دی.

اینټونیو گوټیریس نه تپوس شوی و چې ایا د روهینگا مسلمانانو د کړکیچ دپاره د نسل کشۍ ټکی استعمالیدی شي، نو په جواب کې هغه وویل د روهینگا د ابادۍ دریمه برخه وطن په پریښودو مجبور شوي دي نو په داسې حال کې به هم څوک صورتحال د بیانولو دپاره ددې بهتر لټوي.

په نیویارک کې د ملگرو ملتونو په مرکزي دفترو کې خپله وینا کې گوټیریس د میانمار په مامورینو غږ وکړو چې پوځي کاروايي دې ودروي، تشدد دې ختم کړي، د قانون عملداري دې پرځای کړي او هیواد پریښودونکو خلکو ته د بیرته تگ حق ورکړی شي.

هغه وویل د میانمار په رخاین ریاست کې دي روهینگا مسلمانانو شهریت او یا د معمول ژوند تیرولو قانوني حیثیت ورکړی شي.

د میانمار په مغربي رخاین ریاست کې په صورتحال د نړۍ زیاتیدونکي تشویش پرمهال د هیواد مشرې انگ سان سوچي په اینده هفته کې کیدونکې د ملگرو ملتونو عمومي غونډه کې د وړاندې څخه ټاکل شوی شرکت منسوخ کړی دی.

د میانمار د پوځي واکدارانو خلاف د کوښښونو په سر آنگ سان سوچي ته د امن نوبیل انعام ورکړی شوي دی خو میرمن دا وخت ددې تنقید سره مخ ده چې روهنیگا خلاف د تشدد ودرولو کې ناکامه شوي ده.

د میانمار حکومتي چارواکي دا گڼي چې روهینگا د بنگله دیش نه راغلې غیرقانوني مهاجرین دي ددې باوجود چې ځینې روهینگا مسلمانانو د تیرو څو نسلونو راهسې په میانمار کې وسیږی.

په میانمار کې د تشدد تازه لړۍ د اگست د میاشت راهسې په داسې حال کې شروع شوه چې روهینگا وسله والو د پولیس په چوکو او د پوځ یو یو مرکز حملې وکړې. ددې ورسته په تشدد کې ۴٠٠ کسان وژل شوي دي او د روهینگا ټولنې غړي وايي زیاتره وژنې د میانمار د امنیتي ځواکونو په حملو کې شوي دي.

د میانمار حکومت وايي پوځ يې د هغه ترهگرو خلاف اقدامات پیل کړي دي چې درې هفتې وړاندې په حملو کې ککړ وو.

XS
SM
MD
LG