لاس رسیدونکی لینک

په داعش بمباري وکړی شي او که نا؟ د برطانيي په پارلیمنټ کې بحث


پارلیمنټ ته خپل تجویز د وړاندې کولو په موقع ډیوډ کیمرون وويل بمباري به د هغه پراخه تگ لارې برخه وي چې هدف يي په داعش قابو موندل دي

د برطانيي په پارلیمنټ کې د شورو، چارشنبې، په ورځ د وزیراعظم ډیوډ کیمرون په دې تجویز بحث شورو چې آیا برطانیه په شام کې د داعش خلاف په هوائي بمبارۍ کې برخه واخلي او که نا؟

پارلیمنټ ته خپل تجویز د وړاندې کولو په موقع ډیوډ کیمرون وويل بمباري به د هغه پراخه تگ لارې برخه وي چې هدف يي په داعش قابو موندل دي.

خو د حزب اختلاف لیبر پارټۍ مشر جرمي کوربن د وزیراعظم کیمرون د تجویز مخالفت کوي. ډیوډ کیمرون کوربن او د هغه ملگري "ترهگرو د خواښوگو ډله" په نوم یادوي.

ښاغلي کوربن د ډیوډ کیمرون د خبرو جواب په گارډیئن اخبار کې په یو ادارتیاتي مضمون کې ورکړی چې د شورو، چارشنبې، په ورځ شائع شوی دی. جرمي کوربن وایي ډیوډ کیمرون ددې خبري په وضاحت کولو کې ناکامه شوی دی چې داعش خلاف هوائي بمبارۍ کې برطانيي د شاملیدل به څه لوې اثر وغورځوي په داسې حال کې چې امریکا، فرانس، روس او نور قوتونه داعش خلاف د وړاندې نه هوائي کاروائي کې مصروف دي.

کوربن وویل ډیوډ کیمرون هیڅ څوک هم په دې پوهه ولو کې نه دی کامیاب شوی چې د برطانيي د هوائي بمبارۍ ورسته به ځمکني ځواکونه داعش په ولقه کې سیمې بیرته واخیستلی شي.

برطانیه کې شوي د یوې نظر پوښتنې، سروی، ترمخه، د هیواد اکثریت خلک شام کې د پوځي کاروائي ملاتړ نه کوي. د یوگو نومې ادارې سروی ښائي تیر کال د سپټمبر د میاشت راهسې شام کې د حملو د ملاتړ کونکو شرح ۴٨ ته راټیټه شوي ده. تیره هفته دا شرح ٥٩ فیصد وه.

XS
SM
MD
LG