لاس رسیدونکی لینک

کراچۍ : کندهـ کوټ ضلع کې د رينجرو دوه عسکر وژل شوي


دا پېښه د شپي ناوخته يا سحر وختي رامنځته شوې ده

د پاکستان سندهـ صوبې په کندهـ کوټ ضلع کې د نامالومه وسله والو په ډزو کې د رينجرو دوه عسکر وژل شوي دي .
د پوليس چارواکو په وينا رينجرو باندې د ډزو پېښه د کندهـ کوټ ضلعې په رسالدار سيمه کې رامنځته شوې ده .
د پېښې په اړه د رسالدار تهاڼې اېس ايچ او اقتدار حسين وائس اف امريکا ډيوه ريډيو سره خبرو کې ووئيل ، د رينجرو د شهباز نومې څانگې دوه عسکر په علاقه کې په يو موټر سائيکل د گشت په ډيوټۍ وو ، چې وسله والو پرې ډزې کړي دي .
هغه ووئيل د رينجر وژل شوي عسکر فاروق او عباس نوميږي ، او دا پېښه د شپي ناوخته يا سحر وختي رامنځته شوې ده . او پوليس ته سحر په اووه بجې د پېښې خبر ميلاؤ شوی دی .
د پوليس افسر اقتدار په وينا رينجرو باندې د ۱۰ نه ۱۲ پورې وسله والو ډزې کړي دي ، او د موقعې څخه تښتېدلي دي .
نوموړي زياته کړه پوليس او رينجرو په گډه په علاقه کې د لټون عمليات پيل کړي دي ، خو تراوسه د چا گرفتاري په عمل کې نه ده راغلې .
XS
SM
MD
LG