لاس رسیدونکی لینک

د ترکي صدر په مخالفو صحافیانو چاپې وهل شوې دي


صدر رجپ طیب اردویان

پولیس د ترکې په مختلفو ښارونو کې په میډیا کې دصدر رجپ طیب اردویان په مخالفو صحافیانو چاپې وهلې دي او ٢۴ کسان يي نیولي.

د چاپو حکم ښاغلي اردویان ورکړی وو. یوه ورځ وړاندې هغه ویلي وو د درغلۍ جال به تباه کوي او پکې ښکیل کسان به يي قیمت ادا کوي.

چاپې د فتح الله گولین په پلویانو وهلی شوي دي. گولین یو اسلامي عالم دی چې د کال ١٩٩٩ راهسې په خودساخته جلاوطنۍ کې امریکا کې ژوند کوي.

اردویان چې د اگست په میاشت کې منتخب شوی دی، په گولین الزام لگوي چې یو کال وړاندې يي د هغه د پلویانو خلاف د بډو رشوتونو تحقیقات شورو کړې دي. په هغه وخت درې وزیرانو استعفا ورکړه، خو د هغوي خلاف الزامات ورسته ختم کړی شول او گولین ددې خبرې ترید وکړو چې د بډو رشوتونو تحقیقات د هغه په وینا شورو کړی شوي دي.

نیول شوو کسانو کې اکرام ډومنالي هم شامل دی چې د ترکي تر ټولو زیات خرڅیدونکې زمان مدیر دی. د ښاغلي ډومنالي گرفتاري په ټیلې وژن وښودل شوه. هغه د پولیس کاغذات وکتل او بیا د دفتر نه بهر بوتللی شو او همکارانو ورته لاسونه وپړکول.

به کوڅه کې مظاهره چیان هم جمع شوي وو. ډومنالي ویریږي به هغه خلک چې څه جرم يي کړی وي "مونږ نه ویریږو."

د مطبوعاتو یو بل مشر چاپې ترکې دپاره د شرم خبره وگرځوله.

XS
SM
MD
LG