لاس رسیدونکی لینک

ټي۲۰ ورلډکپ : پاکستان ـ اسټريليا ته د ۱۹۲ رنزونو هدف ورکړو


پاکستان ته په خپل لمړي مېچ کې هند په اووه وکټو ماتې ورکړې وه
بنگله ديش کې د روان ټي ټوئنټي ورلډ کپ په گروپ ټو کې د پاکستان او مېچ اسټريليا ترمينځ د لوبيدونکي مېچ ټاس اسټريليا وگټو او پاکستان ته يې د لمړي بيټنگ بلنه ورکړه . او پاکستان د پينځه لوبغاړو په سوزيدو ۱۹۱ رنزونه جوړ کړل او اسټريليا ته يې ۱۹۲ رنزونو هدف ورکړو .
د پاکستان لخوا عمراکمل ښه بيټنگ وکړو او ۵۴ بالونو يې ۹۴ رنزونه جوړ کړل . په پاتې نور لوبغاړو کې کامران اکمل په ۳۱ بالونو ۳۱ او شاهد افريدي په ۱۱ بالونو ۲۰ رنزونه جوړ کړل .
محمد شهزاد او کامران اکمل د اننگز پېل وکړو ، ولې شهزاد په ۵ بالونو ۵ رنزونو او بيا محمد حفيظ په ۱۰ بالونو ۱۳ رنزونه جوړ کړل او اؤټ شو .
نن د اتوار په ورځ ډهاکه کې لوبيدونکي مېچ دپاره د پاکستان په ټيم کې د باولر جنيد خان په ځايې زوالفقار بابر شامل کړی شوی دی .
د اسټريليا کولټرنائل دوه ، بولينگر ، واټسن او ميچل سټارک يو يو وکټ واخيستو .
د پاکستان کرکټ ټيم کپتان محمد حفيظ د مېچ په سر کې وئيل ؤ نن به جارحانه لوبه کوؤ .
اسټريليا د ټي ټوئنټي ورلډ کپ خپل لمړی کوي ، او د پاکستان دوهم مېچ دی .
پاکستان ته په خپل لمړي مېچ کې هند په اووه وکټو ماتې ورکړې وه ، دغه مېچ د جمعې په ورځ شوی ؤ .
پاکستان او اسټريليا له دې وړاندې ۱۱ ځله په ټي ټوئنټي مېچونو کې يو بل ته مخامخ شوي دي . چې پکې پاکستان اووه او اسټريليا څلور مېچونه گټلي دي .
د پاکستان ټيم کې کامران اکمل ، احمد شهزاد ، محمد حفيظ (کپتان) ، عمراکمل ، شعېب ملک ، صهېب مقصود ، شاهد افريدي ، بلاول بهټي ، عمرگل ، زوالفقار بابر او سعيد اجمل شامل دي .
د اسټريليا ټيم لوبغاړي ارون پينچ ، ډيوډ وارنر ، شين واټسن ، گلن ميکزويل ، جارج بيلي (کپتان) ، بريډهوج ، بريډهيډن ، ميچل سټارک ، نيتهن کولټرنائل ، بريډ هوگ او ډهوبولينگر دي .
XS
SM
MD
LG