لاس رسیدونکی لینک

تازه خبر

پاکستان

د طالبانو د مشر فضل الله خسر او په ترهگرۍ تورن صوفي محمد سپين باز شو

د پاکستان یو عدالت ويلي دي د غیر قانونه تنظيم تحريک نفاذ شریعت محمدي مشر صوفي محمد د هېواد سره د غدارۍ او په پوليس تهاڼو د حملو په دوو تورنو کې په ضمانت خوشی کوي.

په صوفي محمد د قتل، غدارۍ او په حکومتي ودانیو د حملو ټولې ١٣ مقدمې وې. په ١١ تورونو کې عدالت هغه ته پخوا ضمانت ورکړی وو. خو په پاتې دوو کې هغه د تېرو اووه کالو راهسې په زندان کې وو.

مولانا صوفي محمد دا وخت په ظاهره د پاکستان د لومړي دښمن او دتحريک طالبان پاکستان د مشر ملا فضل الله خسر دی. اسلام اباد په کابل تور پورې کوي چې فضل الله د افغانستان په نورستان کې پټ دی.

د مولانا صوفي محمد د غدارۍ د مقدمې یو حیرانوونکی اړخ دا ؤ چې دهغه په ضد عدالت ته څوک گواهۍ له وړاندې نه شو. او ریاست په خپله غلی پاتی شو.

مولانا صوفي محمد د ٩٠م په لسيزه کې د پښتونخوا صوبې په ملاکنډ کې د خپلسره شریعت په ځای کولو د پاره تحريک نفاذ شریعت محمدي( ټي این ایس ایم) جوړ کړې وو.

د رپورټونو تر مخه صوفي محمد په کال ٢٠٠١ کې د ١٢٠٠٠ وسله والو کسانو سره افغانستان ته اوښتې ؤ. هلته د تگ څخه د مخه صوفي محمد په خپلو یو شمېر تقريرونو کې ویلي وو:

"خپلې ټوپکې، تورې، نېزې، چړې او تبرونه راواخلۍ جهاد له ځو"

رپورټونه وايي د هغه سره د ١٢٠٠٠ تلي کسانو څخه د یو شمېر مړي بیرته پښتونخوا ته ورسیدل او پاتې زیاتره ونیول شول خو په خپله صوفي محمد تېښته وکړه او د پاکستان په قبايلي سيمه پاړه چنار کې ژوندی ونیول شو.

د صوفي محمد تنظيم ټي این ایس ایم باندې حکومت په کال ٢٠٠٢ کې د ترهگرۍ د فعالیتونو په بنسټ پابندي ولگوله.

د سوات یو بل سخت دريځه ملا فضل الله چې په ریډیو مولا هم مشهور دی د صوفي محمد زوم دی او دا وخت د پاکستان د طالبانو امير دی.

فضل الله لکه د خپل خسر جمهوري نظام ته کفري نظام وايي اود ریاست په ضد په جگړه کې بوخت دی.

په کال ٢٠١٣ کې هغه په بره دير کې د یو پاکستاني پوځي اعلا افسر میجر جنرل ثناالله نیازي د وژلو ورستو په یو ویډیو پیغام کې ويلي وو:

"یو کافر مې مردار کړو"

په کال ٢٠١٣ کې فضل الله په بره دير کې د یو پاکستاني پوځي اعلا افسر میجر جنرل ثناالله نیازي د وژلو ورستو په یو ویډیو پیغام کې ويلي وو "یو کافر مې مردار کړو"

فضل الله د پاکستاني پوځي افسر د وژنې په خوشحالۍ کې د خپلو ملگرو سره د غوا قرباني ورکړې وه او د هغې ویډیو یې مطبوعاتو ته ورلیږلې وه.

تحريک طالبان دگڼ شمېر ترهگرو حملو نه علاوه په ملاله یوسفزۍ او په ارمي پبلک سکول د حملې زمواري هم منلی ده. په ارمي پبلک سکول کې ١۴۴ د سکول ماشومان وژل شوي وو.

د صوفي محمد په ضمانت د خوشي کیدلو په فیصله خو طالبانو کوم غبرگون نه دی ورکړی خو په کال ٢٠١٣ کې چې فضل الله د طالبانو مشر شو نو تحريک طالبان پاکستان غوښتنه وکړه:

" د اسلامیه کالج یونیورسټۍ د پخواني وائس چانسلر ډاکټر اجمل خان د ازادیدو په بدل کې دې د تحریک نفاذ شریعت محمدي نیول شوی مشر مولانا صوفي محمد خلاص کړی شي"

صوفي محمد تحريک نفاذ شریعت محمدي جوړولو څخه دمخه سخت دريځه گوند جماعت اسلامي غړی وو. جماعت اسلامي دا وخت په پښتونخوا صوبه کې د تحريک انصاف گوند سره شريک حکومت دی.

په زندان کې د یو شخصي ټي وي جیو سره په خبرو کې صوفي محمد ويلي وو که آذاد شو د شریعت په ځای کولو خپل تحريک به بیا ژوندی کوي.

صوفي محمد په یو داسې وخت کې خوشی کیږي چې د پاکستان پوځي چارواکي وايي سخت دريځه گوندونه د هېواد په مرکزي لیکه کې ورگډول غواړي .

See all News Updates of the Day

جو بایډن: نړۍ اؤ سیمې ته د ورپېښو چیلنجونو د مقابلې لپاره به امریکا د پاکستان تر څنګ ولاړه وي

د امریکې صدر جوبایډن د پاکستان وزیراعظم ته لیک استولی چې پکې هغه ویلي، نړۍ اؤ سیمې ته ته د ورپېښو مهمو چیلنجونو د مقابلې کولو لپاره به امریکا د پاکستان تر څنګ ولاړه وي.

د پاکستان ګڼ شمیر رسنیو د جمعې په ورځ ویلي، صدر بایډن پخپل لیک کې د پاکستان وزیراعظم شهباز شریف ته د لمړي وزیر په توګه د منصب په سمبالولو مبارکي ورکړې ده اؤ هغه لپاره یې ښې هېلې ښکاره کړي دي.

په لیک کې ویل شوي د پاکستان اؤ امریکې د ولسونو ترمنځ شراکت داري د نړۍ اؤ زمونږ د ولسونو د سلامتۍ باوري کولو په لړ کې زیات ارزښت لري.

د صدر بایډن په لیک کې لیکل شوي چې د عامې روغتیا د تحفظ، اقتصادي پرمختیا اؤ ټولو لپاره تعلیم یو ګډ وېژن یا نظر دی اؤ دې ته به په ګډه وده ورکوؤ.

د امریکې صدر ویلي دي چې امریکا به پاکستان سره د ګرین الاینس فریم ورک له لارې چاپیریال کې د غوره والي لپاره خپلې هڅې لا پسې پیاوړې کوي اؤ دا ایتلاف به نور هم غښتلی کوي.

صدر بایډن ویلي چې د دایمي زرعي ترقۍ، د اوبو د تابیا اؤ د کال 2022ء د سیلابونو د تباهۍ د اثراتو نه د پاکستان ژغورلو کې به امریکا خپلې همکارۍ ته دوام ورکوي.

نوموړي ویلي چې امریکا پاکستان سره په ګډه د بشري حقونو د تحفظ اؤ پرمختیا د ودې لپاره کلک هوډ لري اؤ د دواړو ولسونو ترمنځ پیاوړې شراکت دارۍ یا انډیوالۍ ته به نوره وده هم ورکوي.

صدر بایډن د پاکستان نوي وزیراعظم شهباز شریف ته د مبارکۍ اؤ نیکو هیلو دا لیک په داسې حال کې استولی چې د فرورۍ په میاشت کې د امریکا د کانګرس یو شمېر غړو د پاکستان په عمومي انتخاباتو کې د لاسوهنې او درغلۍ په تورونو اندېښنه څرګنده کړې وه.

د کانګرس ځینو غړو د امریکا د بهرنیو چارو له وزارته غوښتي وؤ چې د دغو تورونو تر بشپړې څېړنې پورې دې د انتخاباتو نتیجې ونه مني.

د مارچ په شلمه د سویلي او منځني اسیا لپاره د امریکا ناېب خارجه وزیر ډونلډ لو پاکستان کې د شوؤ انتخاباتو د درغلۍ د تورونو په معامله یوه اورونه کې د امریکايي کانګرس د خارجه اړیکو کمېټۍ ته وړاندې شوی ؤ اؤ ویلي یې وؤ چې، په انتخاباتو کې د درغلیو مخه نیول اوپه دې اړه د شکایتونو ځواب ورکول د پاکستان د انتخاباتو د کمېشن کار دی.

نوموړي ویلي وؤ د دغه انتخاباتو وړاندې په پاکستان کې د تشدد پېښې، په سیاست مدارو او پولیسو بریدونه زیات شوي وو او مونږ یې هم اندېښمن کړي وو. نوموړي ویلي وؤ، په دغه مهال خبریالان هم ځورول شوي او د سیاسي ګوندونو د پلویانو لخوا د ښځینه خبریالانو پرضد د نفرت مهم/ کمپاېن هم چلول شوی ؤ.

د پاکستان د انتخاباتو کمیشن اؤ خارجه وزارت انتخاباتو کې د درغلیو په اړه د نړۍ د بیلابیلو هیوادونو اؤ سازمانونو تورونه اؤ اندېښنې رد کړي اؤ ویلي یې دي چې په انتخاباتو کې د زیات شمیر رایې ورکوونکو خوښي ښیي چې دا جمهوري عمل په راڼه توګه ترسره شوی دی.

له تربیلا ډيم وروسته چینایي کمپنیو په داسو اؤ دیامر بهاشا ډيمونو هم کار درولی دی

د خېبر پښتونخوا په شانګله سیمه کې په چینایي انجنیرانو له شوي ځانمرګي وروسته چینایي کمپنیانو د تربیلا ډیم ترڅنګ په داسو اؤ دیامر بهاشا ډیمونو هم کار درولی دی.

د پاکستان د"دي نیوز" ورځپاڼې د رپورټ له مخې د داسو اؤ دیامر بهاشا ډیمونو په پروژو لږ تر لږه 991 چینایي انجنیرانو کار کولو چې د شانګلې له برید وروسته دغو انجنیرانو خپل کارونه درولي اؤ په دواړو پروژو کې کارکوونکو سیمه ییزو مامورینو ته هم ویل شوي چې تر بل امر پورې باید په کورونو دننه پاتې شي.

د نهې یا سه شنبې، په ورځ د خېبر پښتونخوا په شانګله سیمه کې د چینایي انجنیرانو په قافله هغه وخت یو ځانمرګي برید شوی ؤ چې دغه انجنیران د داسو ډیم په منصوبه کار کولو لپاره روان وؤ

تر دغه برید وروسته په تربیلا غازي هري پور کې د بجلۍ جوړولو یوې چینايي کمپنۍ تر نامعلومې مودې د کار بندولو اعلان کړی ؤ.

د تربیلا توسیع هایډرو پراجیکټ منیجمنټ پاور کنسټرکشن کارپورېشن اف چاینه لمیټډ په نوم چینايي کمپنی خپلو کارکونکو ته په یو لیک کې ویلي وؤ چې د مارچ له 26مې نیټې څخه د امنیتي وجوهاتو له امله په پراجیکټ کار تر بل امر پورې تړل شوی.

د پراجیکټ کارکونکو ته ویل شوي وؤ چې یواځې هغه سټاف د کار لپاره راتلی شي چې د پراجیکټ د کومې څانګې انچارج یا مشر یې راوغواړي.

خو د نیوز ورځپاڼه وایي چې اوس له تربیلا ډیم وروسته چینایي کمپنیانو په داسو اؤ دیامر ډیمونو هم روان کارونه ودرولي دي.

رپورټ وایي په داسو اؤ یامر ډیمونو د کار ودرول کیدو وروسته دا وخت چیني انجینران یوازې خېبر پښتونخوا کې په مهمند ډیم کار کوي.

دي نیوز ورځپاڼه وایي په داسو ډیم کې کارکوونکي یو مامور ورته ددې خبرې پخلی کړی چې په دغه ډیم کار ودرول شوی اؤ سیمه ییزه عملې ته ویل شوي چې په کورونو دننه باید پاتې شي.

په بر کوهستان ضلعه کې جوړیدونکی دا ډیم به د 4,320 میګاواټه بجلۍ جوړولو ظرفیت ولري اؤ د 741 چینایي انجنیرانو تر څنګ په دې پروژه کې 6,000 سیمه ییز مامورین هم کار کوي.

ورځپاڼه وایي د دیامر بهاشا ډيم (ډي بي ډي) یو مامور نزاکت حسین هم ورته پخلی کړی چې په دغه پروژه هم چینایي کمپنۍ خپل کارونه ځنډولي دي.

د رپورټ له مخې په دغه پروژه کې نزدې 500 وګړي کارونه کوي خو وایي د ایف ډيلیو او مامورینو په پروژه خپل کار دومداره ساتلی دی اؤ 6000 سیمه ییز لخک د ډیم جوړولو په کارونو کې بوخت دي.

دیامر بهاشا ډیم به د 4800 میګا واټه بجلۍ جوړولو توان ولري.

رپورټ کې ویل شوي چې د مهمند ډیم یو چارواکي عاصم منیر ورته ویلي چې په دغه ډیم چینایي انجنیرانو خپل کارونه نه دي ودرولي اؤ دا وخت 250 چینایي مامورین ددغه ډیم په جوړولو بوخت دي.

د مهمند ډيم په اړه رپورټ کې ویل شوي چې ټاکل شوی دی ده دا ډیم به 740 میکا واټه بجلۍ پیدا کولو صلاحیت ولري اؤ ددې ترڅنګ به ترې 15,100 ځمکې هم خړوب شي.

د نهې په ورځ شانګله کې په داسو ډیم د کارکوونکو چیني انجینرانو په قافله شوي ځانمرګي برید کې د پینځوؤ چیني انجینرانو اؤ د هغوي د یو پاکستاني ډرایو له وژل کیدو وروسته پاکستان کې د چین سفارتخانې د چینایي وګړو د تحفظ غوښتنه کړې وه .

تر دې پېښې وروسته د چین نه د شانګلې د برید پلټنو لپاره د چینایي تحقیقات کوونکو یوه ځانګړې ډله هم پاکستان ته رارسیدلې ده تر څو پاکستاني چارواکو سره د همکارۍ ترڅنګ په په ازاده توګه ددې ځانمرګي برید پلټنې وکړي.

پاکستاني رسنۍ وایي د جمعې په ورځ د کورنیو چارو وزیر محسن نقوي د چین تحقیقاتي ډلې سره ددې پېښې د پلټنو په اړوند غږیدلی اؤ هغوي یې دې لړ کې دشوؤ پرمختګونو نه خبر کړي‌ دي.

د پاکستان د کورنیو چارو وزیر محسن نقوي د چین تحقیقاتي ډلې ته باور ورکړی چې د شانګلې په برید کې ککړ اصل ملزمان به په هر صورت د قانون منګولو ته راکش کولی شي.

پاکستان کې په چینایانو د بریدونو تاریخ

په پاکستان کې خوا وشا د 62 اربو ډالرو سرمایه کاريکونکي هېواد چین په وګړو د کال 2018 راهسې نزدې هر کال حملې کیږي: تفصیل یې داسې دی

په 26م مارچ 2024 بشام حمله کې پینځه چینایان ووژل شول

په 13م اگست کال 2023 په ګوادر کې په چينايي انجينيرانو برید شوی و خو چارواکو ویلي وو په بريد کې مرگ ژوبله نه وه ‏اوښتې.

په 26م اپرېل ‏2022‎م کال د کراچۍ پوهنتون کنفوشيس انسټيټيوټ کې د چينايي ژبې او کلتور د زده کړو څانګې په استادانو ځانمرګي برید کې درې استادان وژل شوي وو.

په 21م اپريل 2021م د کوټې په عالیشانه هوټل ځانمرګي بريد کې پينځه تنه وژل شوي وو دغه وخت چينايي سفیر هم په ښار کې موجود وو.

په 14مه جولاي 2021 د داسو په سیمه کې د چینايي انجینیرانو په لارۍ حمله کې نهه کسان وژل شوي وو.

په جون کال 2020 د کراچۍ په سټاک اېکسچېنج حمله کې درې امنیتي افسران او څلور بریدګر وژل شوي وو د مطبوعاتو تر مخه د ونډو په دغه بازار کې چینايي کمپنۍ 40 فیصده برخه لري.

په 11 می 2019 یوې بېلتون غوښتونکې ډلې په ګوادر کې په یو هوټل چې چینایان پکې وسیدل برید وکړو خو چینایانو ته مرګ ژوبله نه وه شوې.

په نومبر 2018م کراچۍ ښار کې د چین په کونسلګرۍ برید کې څلور کسان وژل شوی وو

په اګست یولسم 2018 د سویل لویدیځ بلوچستان په دالبندین کې په یو ځانمرګي برید کې درې چینايان ټپیان شوي وو.

د پاکستان د کورنیو چارو وزیر د چین د پلټنو ځانګړې ډله د شانګلې د برید پلټنو کې له شوؤ پرمختګونو خبره کړې ده

د پاکستان د کورنیو چارو وزیر محسن نقوي شانګله کې په چینایي انجنیرانو د شوي ځانمرګي برید د پلټنو لپاره پاکستان ته د چین نه د رارسیدلې ځانګړې ډلې سره لیدنه کړې اؤ هغوي ته یې باور ورکړی چې دغه پېښه کې ککړ اصلي ملزمان به د قانون منګولو ته راکش کولی شي.

د پاکستان د جیو ټي وي د رپورټ له مخې د کورنیو چارو وزیر ښاغلی محسن نقوي د جمعې په ورځ په اسلام اباد کې د چین سفارتخانې ته ورغلی اؤ دغلته یې د چین تحقیقاتي ډلې سره لیدنه کې هغوي د شانګلې د ځانمرګي برید پلټنو کې د شوؤ پرمختګونو اؤ پاکستان کې د چین د وګړو د تحفظ لپاره د اخستل شوؤ ګامونو نه خبر کړي دي.

د نهې، سه شنبې، په ورځ د خېبر پښتونخوا په شانګله سیمه کې د چینایي انجنیرانو په قافله هغه وخت یو ځانمرګي برید شوی ؤ چې دغه انجنیران د داسو ډیم په منصوبه کار کولو لپاره روان وؤ

په دغه برید کې د پینځوؤ چینایي انجنیرانو اؤ د هغوي د یو پاکستاني ډرایور له وژل کیدو وروسته چین پاکستان نه د خپلو وګړو د تحفظ اؤ ددې پېښې د پلټنو غوښتنه کړې وه.

تر دې پېښې وروسته د چین نه د پلټنو لپاره د چینایي تحقیقات کوونکو یوه ځانګړې ډله هم پاکستان ته رارسیدلې ده تر څو پاکستاني چارواکو سره د همکارۍ ترڅنګ په په ازاده توګه ددې ځانمرګي برید پلټنې وکړي.

پاکستاني رسنۍ وایي د کورنیو چارو وزیر محسن نقوي د چین تحقیقاتي ډلې سره د دې پېښې د پلټنو په اړوند غږیدلی اؤ هغوي یې دې لړ کې د شوؤ پرمختګونو نه خبر کړي‌ دي.

پاکستاني مامورینو د شورو، چهارشنبې، په ورځ ویلي وؤ د هغه ځانمرګي حمله کوونکي د جسد ډي اېن ای ټېسټونه کولی شي چې د چینايي موټر سره یې خپل موټر جنګولی و.

د چین د پلټنو ځانګړې ډلې سره خبرو کې د پاکستان د کورنیو چارو وزیر ښاغلي نقوي هغوي ته باور ورکړی چې پاکستان کې به د چین د وګړو تحفظ باوري کولی اؤ د شانګلې برید کې ککړ اصل ملزمان به په هر صورت کې د قانون منګولو ته راکش کولی شي.

تر دې وړاندې پېښور کې د ایف سي ځواکونو د مرکز څخه د لیدنې په مهال د کورنیو چارو وزیر ویلي وؤ ترهګر اؤ د هغوي همکاران به پاکستان کې د پټېدو لپاره هیڅ ځای ونه مومي اؤ ریاست به د امنیت ټینګولو لپاره تر هر حده ګامونه اخلي.

د شانګلې له برید وروسته په تربیلا غازي هري پور کې د بجلۍ جوړولو یوې چینايي کمپنۍ تر نامعلومه نیټې پورې د کار بندولو اعلان کړی ؤ اؤ اوس د تربیلا ډیم نه وروسته په داسو اؤ دیامر بهاشا ډیم هم نزدې 991 چینایي انجنیرانو کار ودرولی دی.

پاکستان کې په چینایانو د بریدونو تاریخ

په پاکستان کې خوا وشا د 62 اربو ډالرو سرمایه کاريکونکي هېواد چین په وګړو د کال 2018 راهسې نزدې هر کال حملې کیږي: تفصیل یې داسې دی

په 26م مارچ 2024 بشام حمله کې پینځه چینایان ووژل شول.

په 13م اگست کال 2023 په ګوادر کې په چينايي انجينيرانو برید شوی و خو چارواکو ویلي وو په بريد کې مرگ ژوبله نه وه ‏اوښتې.

په 26م اپرېل ‏‎2022‎م کال د کراچۍ پوهنتون کنفوشيس انسټيټيوټ کې د چينايي ژبې او کلتور د زده کړو څانګې په استادانو ځانمرګي برید کې درې استادان وژل شوي وو.

په 21م اپريل 2021م د کوټې په عالیشانه هوټل ځانمرګي بريد کې پينځه تنه وژل شوي وو دغه وخت چينايي سفیر هم په ښار کې موجود وو.

په 14مه جولاي 2021 د داسو په سیمه کې د چینايي انجینیرانو په لارۍ حمله کې نهه کسان وژل شوي وو.

په جون کال 2020 د کراچۍ په سټاک اېکسچېنج حمله کې درې امنیتي افسران او څلور بریدګر وژل شوي وو د مطبوعاتو تر مخه د ونډو په دغه بازار کې چینايي کمپنۍ 40 فیصده برخه لري.

په 11 می 2019 یوې بېلتون غوښتونکې ډلې په ګوادر کې په یو هوټل چې چینایان پکې اوسیدل برید وکړو خو چینایانو ته مرګ ژوبله نه وه شوې.

په نومبر 2018م کراچۍ ښار کې د چین په کونسلګرۍ برید کې څلور کسان وژل شوی وو.

په اګست یولسم 2018 د سویل لویدیځ بلوچستان په دالبندین کې په یو ځانمرګي برید کې درې چینايان ټپیان شوي وو.

پاکستان ویلي، آي ایم ایف نه لږ تر لږه د دریوؤ کالو نوي پور اخستو ته اړتیا لري

د پاکستان د خزانې مرکزي وزیر محمد اورنګزیب وایي پاکستان د نړیوالې مالیاتي ادارې آي ایم ایف څخه لږ تر لږه د دریوؤ کالو د پور نوي پروګرام ترلاسه کولو ته اړتیا لري.

کراچۍ کې د سټاک ایکسچینج له لوري راجوړې شوې یوې دستورې ته خپله وینا کې د خزانې وزیر ویلي چې د پاکستان پلاوی به آي ایم ایف اؤ ورلډ بینک سره مذاکراتو لپاره په 14م او 15م اپریل واشنګټن ته ځي اؤ هلته به د پور د نوي پروګرام په څرنګوالي خبرې کوي.

نوموړي ویلي د پور په دې نوي پروګرام به بشپړه خبرې بیا وروسته په پاکستان کې کیږي.

محمد اورنګزیب ویلي، د آي ایم ایف شرطونه د ملک لپاره غوره دي اؤ دا به هغه وخت د پور وروستی پوګرام شي چې مونږ اسټرکچرل پالیسۍ خپلې کړو.

د خزانې وزیر ویلي دا مهال مون خپل ټول پام مالي چارو ته ګرځولی اؤ پوهه یو چې څه کول پکار دي اؤ ولې پکار دي؟

هغه ویلي چې آي ایم ایف سره د مامورینو په کچه تړون د نګران حکومت د منظمو ګامونو له امله ممکن شوی دی اؤ د نګران حکومت په دوره کې مالي چارې غوره شوي دي.

نوموړي ویلي چې د نجکارۍ د پلان په اساس به خساره کې روانې ادارې شخصي څانګې ته ورکولی شي اؤ د پي‌ آي ای نجکاري اؤ د ایرپورټ له منعې ویستل په خاص پړاؤ کې دي اؤ هڅه روانه ده چې د جون تر میاشتې د پي آي ای نجکاري سرته ورسولی شي.

پاکستان دا وخت د ګرانۍ، د روپۍ د ښکته غورځېدونکي قدر، زر مبادلې د کمي او د بهرنیو قرضونو د دروند بوج سره مخ دی او اقتصاد پوهان وايي دې هېواد سره د اي اېم اېف پرته بله لاره نشته.

اقتصاد پوهان وایي د پاکستان د زر مبادلې ذخيرې په چټکیتا سره مخ په ښکته روانې دي، د اپریل میاشت کې د بانډونو په مد کې 1 ارب ډالر قرض بېرته ستنول وي، د بجلۍ د څانګې ګردشي قرضې د 27 اربه روپو څخه اوښتي دي او د انرژۍ په نرخونو کې د پرله پسې اضافې له کبله ګراني سېوا کېږي.

ډاکټر ساجد امين، اقتصاد پوهه ډاکټر ساجد امین ډیوه ته ویلي، دا وخت د پاکستان د زر مبادلې ذخيرې خوا شا اته نيم اربه ډالره دي او په راتلونکو شپږو میاشتو کې به ورته 24 اربه ډالره قرضې بېرته ستنول وي.

هغه وایي بېرته ستنوونکې قرضې د پاکستان د زر مبادلې د ذخېرې نه درې چنده زیاتې دي "او مونږ سره دومره پېسې نشته نو ځکه د پاکستان سره له آي اېم اېف پرته بله چاره نشته"

اقتصاد پوهه اشفاق حسن خان وايي پاکستان د کال 1988 راهیسې په پرله پسې توګه د آي اېم اېف په پروګرامونو کې شامل پاتې شوی دې خو بيا هم اقتصادي ثبات ته ونه رسېدو.

وي او ای ډیوه خبریال ارشد حسین سره خبرو کې کې هغه ویلي، د آي اېم اېف پروګرام داسې نه وي جوړ چې ورسره په يو هېواد کې ترقې او څوکالي راشي.

د هغه په وینا "د آي اېم اېف پروګرام په بنيادي توګه انحصاريت پېدا کوي او د غړو هېوادونو دغه انحصاريت سېوا کوي چې داسې هغوي يو یا بل اړخ ته نه شي کتلی"

د پاکستان وزير اعظم شهباز شريف د حکومت سمبالولو څخه سمدستي وروسته خپلې اقتصادي ډلې ته چې مشري یې د خزانې مرکزي وزير محمد اورنګزیب کوي، وېلي وؤ چي د نړیوالې مالياتي ادارې سره د يو بل اوږد مهاله قرض پروګرم ترلاسه کولو لپاره خبرې پېل کړي.

د پاکستان حکومت لا نه ده واضحه کړې چې د آي اېم اېف څخه به د اږود مهاله پروګرام لاندې څومره رقم اخستل غواړي خو امريکايي خبري ادارې بلومبرګ فرورۍ کې خپل رپورټ کې ويلي وو چې پاکستان له اي اېم اېف 6 اربه ډالره نوره قرضه ترلاسه کول غواړي.

علي امین ګنډاپور: امنيت د صوبايي حکومت لومړيتوب دی

په داسې وخت کې چې په خېبرپښتونخوا صوبه کې د ناامنۍ پېښې دوام لري، د صوبې وزيراعلا علي امين ګنډاپور ويلي، امنیت د صوبايي حکومت ‏لومړيتوب دی د خلکو د مال او ځان ساتنه يقيني کول یې مقصد دی.‏

علي امين ګنډاپور د کورنيو چارو مرکزي وزير محسن نقوي سره پېښور کې په وزيراعلا هاوس کې ليدلي دي.‏
د صوبې د اطلاعاتو څانګې د ليدنې په اړه ويلي، دواړو د صوبې د امنیتي معاملاتو په اړه بحث کړی او صوبه کې د امنیت ښه کولو دپاره د مرکزي په ‏صوبايي کچه د قانون نافذونکو ادارو ترمنځه د رابطې ښه کولو په خبره یې اتفاق شوی دی.‏

ویل شوي، په ليدنه کې په چینايي وګړو د بريد غندنه شوې، په پېښه کې د ککړو کسانو منطقي انجام ته رسولو او ترهګرۍ ختمولو عزم څرګند کړل شوی ‏دی.‏

په ‏‎26‎م مارچ د خېبرپښتونخوا په شانګله سيمه کې په يو قافله ځانمرګي بريد کې د چينايي وګړو ګاډی په نخښه شوی، پينځه چينايي اينجينيران او ‏پاکستانی ډرايور یې پکې وژل شوي وو.‏ د يادې پېښې وروسته پاکستان کې د چین سفارتخانې دغه پېښه د افسوس وړ بللې او د پاکستان حکومت نه یې غوښتنه کړې ده چې د پېښې هر اړخیزه ‏پلټنې ‏وکړي په دې کې ککړ کسان دې د انصاف محکمې ته راکش کړی شي.

‏چين ویلي، پاکستاني چارواکي باید د چین د وګړو حفاظت لپاره موثره او عملي ګامونه پورته کړي.‏
له دغې وروسته بيا د پاکستان د وزيراعظم شهباز شريف په مشرۍ د امنيت دپاره غونډه کې ويل شوي وو، "د ‏چينايي دوستانو، په ملک کې حساسو ‏ځايونو او ملکي خلکو د ساتنو دپاره به ټول اقدامات کیږي".‏

د وزيراعظم په مشرۍ غونډه کې د پوځ مشر جنرل عاصم منير او نورو لوړ پوړ چارواکو ګډون کړی وو.‏
د محسن نقوي سره په ليدنه کې علي امين ګنډاپور ویلي، په صوبه کې به پوليس او نورې قانون نافذونکې ادارې پياوړې کولی شي، او د دې مقصد دپاره ‏به د يوې کوټلې تګلارې لاندې اقدامات کولی شي.‏ ګنډاپور زياته کړې، خېبرپښتونخوا د ترهګرۍ څخه تر ټولو زياته اغېزمنه شوې ده.‏

په ‏‎16‎م مارچ د افغانستان سره په پوله پرتې د خېبرپښتونخوا د قبايلي ضلعې شمالي وزیرستان په میرعلي سیمه کې د پوځ په یوه پوسته یو ستر خونړی ‏برید شوی، دوه لوړپوړي پوځي افسران او پینځه عسکر پکې وژل شوي وو.‏

د يادې پېښې وروسته پاکستان بيا په ‏‎18‎مه نېټه د افغانستان په پکتيکا او خوست کې د جنګي الوتکو د لارې د ترهګرو په نخښه کولو دعوه کړې خو ‏طالبانو دغه بريدونه غندلي او ویلي يې وو، په بريدونو کې اتنه تنه ښځې او ماشومان وژل شوي وو.‏

‎پاکستان کې د شخړو او امنيت د مطالعاتو څيړنيزې غېر حکومتي ادارې پاکستان انسټيتیوټ فار کانفلیکټ اینډ سیکيورټي سټډیز (پيکس) ويلي، د ‏‏فرورۍ په مياشت کې په خېبرپښتونخوا کې د ترهګرۍ پېښې کمې شوي خو بلوچستان صوبه کې زياتې شوي او په ملک کې د امنيت مجموعي صورتحال ‏‏د جنورۍ څخه بدل نه وو.‏

پيکس د فرورۍ په میاشت کې شوو حملو او ترهګرۍ د پېښو په اړه جاري کړي رپورټ کې ويلي، په ټول ملک کې په ‏‎97‎‏ حملو کې ‏‎87‎‏ ‏کسان وژل شوي او ‏‏‎118‎‏ ژوبل شوي وو.

نور کتل

ځانګړې ویډیوګانې

په زرګونو خلک هر کال په پسرلي کې د سوات د ښکلاګانو لیدو ته ورځي
please wait

No media source currently available

0:00 0:02:27 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG