وایټ هاوس وايي د صدر ډانلډ ټرمپ د ایشیا په دولس ورځني سفر کې به د سیمې د مشرانو سره په لیدو کتو کې د شمالي کوریا مسله د ایجنډې په سر کې وي. وایټ هاوس ويلي دي د نیوکلیايي وسلې نه د شمالي کوریا پاکول یواځینی حل دی.
د امریکې قامي امنيتي صلاح کار ایچ آر میک ماسټر د زیارت په ورځ خبرداری ورکړی دی که چرې د اقتصادي بندیزونو او سفارت کارۍ د لارې دغه حل را اونه ویستی شو نو امریکا به د شمالي کوریا څه قسم جارحیت ته خپلو پوره صلاحیتونو سره جواب ورکوي.
ډانلډ ټرمپ به د ایشیا ۱۲ ورځنۍ دورې په وخت د نومبر په اوومه او اتمه نیټه د سویلي کوریا سفر کوي.
دامریکې دفاع وزیر جم میټس د تیرې جمعې په ورځ ویلي وو ددوي مقصد په دغه سیمه کې جنگ نه دی بلکه دوي کوریايي جزیره په مکمله توگه د نیوکلیاي وسلو نه پاکول غواړي.