د پېښور یونېورسټۍ د پروفېسرانو (استازانو) په انتخاباتو کې فرینډز ډلې د جماعت اسلامي، تحریک انصاف او پراګریسېو ډلو مخالفه ایتلاف ته ماتې ورکړې. د فرېنډز ډلې لخوا په تېرو شپږو کالو کې دا شپږمه پرله پسې ګټه ده.
د ټاکنو سره د پېښور یونېورسټۍ د استازانو تنظېم یا پېوټا غړیتوب به اوس فرېنډ ډله کوي.
د پاکستان اساسي قانون کې په اتلسم بدلون کې صوبو ته د تعلېم او یونېورسټېو په اړه خود مختیاري ورکړل شوې. خو په پښتونخوا کې د واکمن تحرېک انصاف حکومت او د پېوټا تر منځ یو شمېر اختلافونو راپورته شوي.
په پښتونخوا کې واکمن تحریک انصاف د پېښور یونېورسټۍ ۲۰۱۲م اېکټ یا قانون کې بدلون غواړي چې د صوبې په یونېورسټېو کې د واېس چانسلر د تقررۍ موده او د اوسني څلورو کالو پر ځاې دوه کاله کړي.
صوباېي حکومت د یو پروفېسر یا لکچرار د یونېورسټۍ نه بلې یونېورسټۍ یا کالج ته د بدلولو اختیار هم په لاسو کې اخستل غواړي. د یونېورسټۍ اکثره پروفېسران د واکمن تحریک انصاف دغه بدلونونو سره اختلاف لري.او په صوباېي حکومت تور لګوي چې پدغه قانون کې د بدلون تر مخه په یونېورسټو کې سیاسي فېصلې کول غواړي.
روان کال شوؤ دغه انتخاباتو کې د فرېنډز ډلې سره تعلف لرونکې ډاکټر فضل ناصر د تېر کال په شان یو ځل بیا صدر جوړ شوی. په انتخاباتو کې فیاض علي د جنرل سېکرټري څوکۍ لپاره منتخب شوی. په انتخاباتو کې د صدر نه تر انتظامي کمېټۍ غړو پوری څوکۍ فرېنډز ډلې ګټلي چې ښاېي د یونېورسټۍ زیاتره پروفېسران او لېکچرران یونېورسټو او کالجونو کې د تحریک انصاف د تګلارو سره اختلاف لري.
