لاس رسیدونکی لینک

د پاکستان او افغانستان په پوله ډزو کې يو پاکستانی عسکر وژل شوی


پاکستان او افغانستان دواره هيوادونه چې گډه اوږده پوله لري
د افغاستان سره په گډه پوله باندې قبائيلي سيمه باجوړ ايجنسۍ کې د افغاستان د غاړې په شوؤ ډزو کې يو پاکستانی عسکر وژل شوی دی .
د پاکستان د پوځ د عامو اړيکو څانگې ائي ايس پي ار لخوا په جاري شوي يو بيان کې وئيل شوي ، چې نن د اتوار په ورځ دغه پېښه رامنځته شوي ، او د پولې د بل اړخ نه شوؤ ډزو کې يو عسکر وژل شوی دی .
دغه پېښه د باجوړ ايجنسۍ د امنيتي ځواکونو د چوکۍ ‍‍٫٫ راکي پوستې٬٬ سره شوي دي ، کومه چې پولې ته نزدې ده .
ولې د پېښې په اړه کره مالومات مخې ته نه دي راغلي ، چې دغه ډزې د پولې د بلې خوا نه افغان ځواکونو ، ترهگرو او کنه بل چا کړي دي .
پاکستان او افغانستان دواره هيوادونه چې گډه اوږده پوله لري ، له دې وړاندې په پوله په بيلابيلو علاقو کې دغه رنگ د ډزو پېښې رامنځته شوي دي .
تيرکال د ستمبر په مياشت کې د بلوچستان په ژوب سيمه کې هم په پوله د افغانستان د ملي امنيتي ځواکونو لخوا ډزې شوې وې ، او په هغې کې د يوې زنانه په گډو پينځه کسان وژل شوي او ۲۵ نور ژوبل شوي وو .
دغه رنگ په پوله رامنځته شوې يوه بله پېښه کې د پاکستان پينځه عسکر ژوبل شوي وو ، او په هغې باندې پاکستان افغانستان ته سخت احتجاج کړی ؤ .
له دې وړاندې په کال ۲۰۱۲م کې د پاکستان او افغانستان په گډه پوله د دواړو هيوادونود ځواکونو لخوا په يو بل سختې ډزې شوې وې ، خو مرگ ژوبله پکې نه وه رامنځته شوې . او په دغه پېښه د دواړه گاونډي هيوادنو اړيکې د تاؤ تريخوالي ښکار شوې وې .
د دواړو هيوادونو په گډه پوله وخت په وخت افغانستان په پاکستان تورونه پورې کوي ، چې ترهگر په دغې پوله راوړي او په افغانستان کې ترهگري کوي ، او بيرته په اسانه راوړي او د پولې نه دې پله د پاکستان په قبائيلي علاقو کې ورته پناه حاصله ده .
دغه رقم تورونه پاکستان په افغانستان هم پورې کوي .
XS
SM
MD
LG