پاکستان ویلي د حج په موقع منا کې په گڼه گوڼه کې د گډوډۍ له امله ١٩ پاکستانیان په حق رسیدلې دي.
د مذهبي چارو وزارت ددې نه وړاندې په حادثه کې د ١٨ کسانو د مرگ تصیدیق کړی وو. وزارت ویلي ٢٠ نور پاکستانیان زخمیان شوې دي.
د زیارت یا پنجشنبې په ورځ مکې سره نزدې منا کې د حج د شیطان ویشتلو د مراسمو په مهال په گڼه گوڼه کې د اړي گړي له امله د ٧٠٠ نه زیات خلک مړه شوې دي.
د پاکستان خارجه وزارت د برطانيي گارډین ورځپاڼې دا رپورټ رد کړی دی چې حادثه کې ٢٣٦ پاکستانیان مړه شوې دي.
په عین حال کې ایران ویلي منا کې د سلگونو خلکو په مرگ دې سعودي عرب عامه معافي وغواړي.
په انټرنیټ خپل پیغام کې د ایران روحاني مشر ایت الله علي خامنائي وویل سعوديان دې ذمه واري قبوله کړي او ټولو مسلمانانو او په حق د رسیدلې خلکو خپلو خپلوانو نه دې بخښنه وغواړي.
په تیرو ٢٥ کلونو کې د منا پیښه تر ټولو سنگینه حادثه وه.
د پاکستان حکومت سعودي عرب کې د بې درکه پاکستانیانو په اړه د معلوماتو ترلاسه کولو دپاره دا د ټیلې فون شمیرې شائع کړې دی:
0800-11 666 22, landline number in Pakistan for callers from Saudi Arabia +92-42-35880054.
+966-12-5277537 direct from Mina.