لاس رسیدونکی لینک

پښتون سائنس پوه عمران خان: د کائنات نور تسخیر اسان شوی


٢٥ کلن عمران خان

د پاکستان د مردان ښار سائنس پوه عمران خان هم د نړیوالو سائنس پوهانو د هغې ډلې نه وو چې په وړمبي ځل ېې په خلا کې د دوو تورو غارو یا بلیک هولز د ټکر په نتیجه کې د جوړو شوو څپو لړزه ثبت کړې ده.

د فزکس یا د طبیعاتو د علم په تاریخ کې دا وړمبی ځل دی چې په خلا کې د دوو تورو غارو یا بلیک هولز تر منځ د ټکر له امله د جوړو شوو څپو لړزه ثبت شوې ده.

پوهان د فزکس په تاریخ کې دا دریافت یا کشف ډیر مهم گڼي او وايي دا د کائنات د نور تسخیر لارې پرانیزې.

د بلیک هولز د ټکر دا عمل د نړۍ د بیلا بیلو هیوادونو ١٠٠۴ سائنس پوهانو څیړلی دی پدغو کې د پاکستان د مردان ښار سائنس پوه عمران خان هم شامل دی.

٢٥ کلن عمران خان په مردان کې ځیګیدلی دی او د پېښور پوهنتون نه ېې لوړی زده کړی تر لاسه کړي دي. نوموړي په کوټه کې هم ژوند کړی دی.

عمران خان دا مهال په اټلي کې په فزکس کې دکتورا یا پي ایچ ډي کوي. هغه د یورپي هیوادونو د سائنس پوهانو په ډله کې شامل وو.

عمران خان اټلي نه د وي او ای ډیوه سره په ټیلې فوني مرکه کې وویل غواړي د سائنس د لارې خدمت وکړي.

عمران خان سره د نصیر احمد کاکړ مرکه دلته اوریدی شۍ:

  • 16x9 Image

    نصير کاکړ

    نصیر کاکړ د کال ٢٠٠٢ راهسې وړمبی په کوټه او وس په واشنگټن کې د وایس اف امریکا سره د خبریال په توگه خدمات ترسره کوي. نصیر کاکړ د وي او ای ډیوه لپاره د نړي والو چارو ترڅنگ، د افغانستان، پاکستان او  ایران او په یو شمیر نورو موضوعاتو ملټي میډیا خبرونه او رپورټونه تیاروي.

     

XS
SM
MD
LG