د پښتنو میرمنو د تعلیم او حقوقو لپاره غږ پورته کونکې د سوات ملاله یوسفزۍ د شمالي وزیرستان نه بې کوره شوو خلکو ته خپل پیغام کې هغوي سره د همدردۍ او خواښوگۍ څرگندونه کړې ده او وايي همت دې نه بیلي.
د وائس اف امریکا ډیوه ریډیو سره مرکه کې وايي د شمالي وزیرستان خلکو سره ولاړه ده او همت دي نه بیلي.
ملاله یوسفزۍ وايي شمالي وزیرستان کې به د امن لپاره کار کوي.
ملاله یوسفزۍ چې خپله يي هم د کډوالۍ ژوند تیر کړی دی. کال ٢٠٠٨ کې کله چې امنیتي ځواکونو سوات کې د طالبانو خلاف کاروائي شورو کړه نو په زرگونو د سوات اوسیدونکې لکه د موجوده وخت د شمالي وزیرستان د خلکو خپل کورونه په پریښودو مجبور شو.
د هغه تجربې په ترڅ کې ملاله وايي د مردان، نوښار او پیښور خلکو يي ډیره ښه میلمستیه وکړه. ملاله وايي د پاکستان خلک ډیر ښه دي او د ضرورت په وخت کې د وطن والو لاس امداد کوي. ملاله وايي اوس به خلک خپل زړونه او کورونه د وزیرستان د خپلو لپاره پرانځي.
ملاله یوسفزۍ سره د ډیوه ریډیو خبریال بهروز خان مرکه دلته اوریدی شۍ: