لاس رسیدونکی لینک

د پاکستان لخوا افغان ځوانانو لپاره اعلان شوي تعلېمي وظېفې به څومره ګټه ورې وي؟


ډاکټر عمر زاخیلوال

د پاکستان لخوا افغان محصلینو ته د لوړو زدکړو یا (هاېیر ایجوکیشن) لپاره د تعلیمي وظیفو یا سکالرشپ دويم پړاو پيل شوی چې تر مخه به ېي درې زره افغان ځوانان او پېغلې په پاکستان کې خپلې زده کړې ترسره کوي.

د جمعې په ورځ د پنجاب په لاهور ښار کې د دغه سکالرشپ د اعلان په وخت د پاکستان لپاره د افغانستان سفیر حضرت عمر زاخيلوال هم موجود وو.

د پاکستان حکومت په ٢٠١٠م کښې د افغان ځوانانو او پیغلو لپاره په پاکستان کې د لوړو زده کړو لپاره د سکالرشپ ورکولو اعلان کړی وو. د دغه پروګرام په لومړي پړاو کښي هم درې زره افغان زده کونکو د پاکستان په بیلا بیلو تعلیمي ادارو کې خپلې لوړې زدهکړې پیل کړي دي.

د پاکستان د لوړو زده کړو کمیشن یا هاېر ايجوکيشن کميشن چېرمين ډاکټر مختار احمد ویلي په دویم پړاو کې به افغان ځوانان او پیغلې د پاکستان بیلا بیلو تعلیمي ادارو په مختلفو څانګو کې د پي اېچ ډي(دوکتورا) او ايم فل زدکړي تر لاسه کوي.

په داسې حال چې د پاکستان او افغانستان ترمېنځه په سیاسي او حکومتي کچه د تیر ډیر وخت راهسې تاو تریخوالي لیدل کیږي، څیړونکي ګنړي د اولسونو په کچه اړېکې، او افغان ځوانانو ته د لوړو زده کړو د پاره دا شان موقعي ورکول به د دواړه هېوادنو تر منځ اړيکې ښې کړي او د اولسونو تر منځ به په یو بل باور سېوا کړي.

د پاکستاني چارواکو به وینا تر اوسه پورې نژدې اته څلويښت زره افغان ځوانانو او پیغلو د پاکستان په تعليمي ادارو کښي خپلې زدهکړې سر ته رسولي دي. او دا مهال د نړۍ په بيلا بيلو هېوادنو کښي خپل کارونه ترسره کوي.

په اسلام اباد کښي د یوې غیر دولتي ادارې او د پاکستان او افغانستان په اړیکو نظر لرونکې تعلیم پوهه ماریه سلطان د پاکستان لخوا افغان زدهکونکو لپاره د تعلیمي وظیفو دغه پروګرام ستايي او وايي افغان ځوانان د تعلیم په مېدان کې داسې پروګرامونو ته اړتیا لري او پاکستان دې داسې قسمه پروګرامونه نور هم سېوا کړي.

XS
SM
MD
LG