لاس رسیدونکی لینک

ترکمانستان کې د تاپي ګیس پاېپ لاېن منصوبې پرانسته شوی


In this photograph released by the Press Information Bureau (PIB) on December 13, 2015, Indian Vice President, Hamid Ansari (L), along with President of Turkmenistan, Gurbanguly Berdimohamedov (R), President of Afghanistan, Ashraf Ghani (2R) and Prime Min

دتیرو ۲۵ کلونو راهسې دځنډ ښکار تاپي ګيس پاېپ لاېن منصوبی پرانسته نن د ترکمانستان په مرکزي ښار میري کې شوی. د۱۰ بلینه ډالرو دغه لویه منصوبی سره به د ترکمانستان نه افغانستان بیا پاکستان او هند ته قدرتي ګیس رارسي. د دغی منصوبي مقصد د ۱۸۰۰ کلومیټره اوږد پاېپ لاېن په لار ۳۳ بلینه کیوبک میټره ګیس رارسول دي.

د منصوبی د پرانستی په دستوره کې د افغانستان اولس مشر اشرف غني، د پاکستان وزیراعظم نواز شریف، د هندوستان ناېب صدر حامن انصاري او د ترکمانستان صدر قربان ګلي بردي محمدوف موجود وو.د دستوری په محال د وینا په وخت د پاکستان وزیراعظم نواز شریف وېلي چې تاپي یواځی د ګیس پاېپ لاېن منصوبه نه ده. دا منصوبه به د مرکزي ایشیا او سوېلي ایشیا د هیوادونو تر منځه د سیمه ایز اقتصاد او همکارۍ سوا کولو نوی لاری خلاصوي.

په ترکمانستان کې د پاکستان سفیر ډاکټر عبدالمالک واېس اف امریکا ډیوه ریډیو ته وېلي پاکستان دا وخت د انرجۍ د کمۍ سره مخ دی او د ټاپی منصوبه به په دغه کمۍ پوره کولو کې لوې کردار اولوبوي. سفیر د ډیوه ریډیو د یوی پوښتنی په ځواب کې وېلي د منصوبی د تحفظ لپاره ټولو هیوادونو تر منځه همکاري شویده. د ډاکټر عبدالمالک په وینادا منصوبه د افغانستان، هندوستان، ترکمانستان لپاره هم هغه شان ګټه وره ده څومره چې د پاکستان لپاره ده. په ترکمانستان کې د پاکستان سفیر سره مرکه د ډیوه همکار رحمان بونیري کړی تاسو ېې په لاندیني لنک اوریدی شۍ.

د تاپي منصوبی لپاره به هندوستان پاکستان ته ۲۵۰ ملینه ډالره د ټرانرټ فیس په مد کې ورکوي او هم دومره پیسی به بیا پاکستان افغانستان ته ورکوي. په ترکمانستان کې چارواکي طمعه لری دغه منصوبه به د کال ۲۰۱۹ پوری پاېې ته اورسي. دتاپي منصوبی نه به پاکستان ته د ورځ په حساب ۱۳۲۵ ملینه کمعب فټ قدرتي ګیس ترلاسه کیږي.

د څیړونکو په وینا که دغه منصوبه سر ته رسي نو په سیمه کې د امن پرځاې کولو کې هم مهم رول لوبولی شي. او ددغې منصوبی سره هندوستان او پاکستان یو بل ته نزدی کولې شي چې په افغانستان کې د امن پرځاې کولو کې خپل رول ترسره کړي.

که څه هم پاکستاني چارواکي واېي د تاپي منصوبی پوره کیدو سره به د کال ۲۰۱۹ پوری ګیس ترلاسه کول شورو کړي خو د دغه منصوبي په لار کې امنیت به یوغټ خنډ وي ځکه دغه پاېپ لاېن به په پاکستان او افغانستان کې د هغه سیمو نه تیریږي چرته چې ناارامي ده.

XS
SM
MD
LG