د افغانستان پلازمينې کابل په لويديز کې ځان مرگي بريد کې لږ تر لږه څلور ملکي وگړي وژل شوي ، او ۳۶ نور ژوبل شوي دي .
د افغانستان پلازمينې کابل په لويديز کې نن د اتوار په ورځ د شوي ځان مرگي بريد په اړه د کابل د پوليس وياند حشمت ستانکزي وئيلي ، چې ځان مرگي بريد کوؤنکي د باردو ډک گاډی د نېټو په کاروان الوزولی دی .
پوليس وياند پېښه کې د څلورو ملکي وگړو د وژنې او زنانه او ماشومانو په گډون د ۳۶ نورو کسانو د ژوبلېدو پخلی کړی دی .
د کابل د پوليس چارواکو ترمخه ځان مرگي د کابل په دارلامان سړک باندې د علاؤالدين چوک سره نزدې د نېټو د ځواکونو په کاروان بريد کړی دی .
د کابل د پوليس مشر جنرال ظاهر ظاهر وئيلي ، بريد کې بهرنو ځواکونو د ته د کوم زيان اوختو خبر مخې ته نه دی راغلی . او نه د نېټو ځواکونو لخوا د پېښې په اړه څه وئيل شوي دي .
د طالبانو وياند ذبيح الله مجاهد د پېښې پړه په سر اخيستې ، او بهرنو ځواکونو ته يې د زيان اړولو ادعا کړې ده .