لاس رسیدونکی لینک

د یهودیانو په عبادتخانه حمله کې ۴ کسان وژل شوي


د امریکې خارجه وزیر جان کيري نیټن یاهو سره په ټیلې فون خبرې وکړې او په واقعه يي ورسره غمرازي وکړه. لندن کې خبریالانو سره خبرو اترو کې جان کیري وویل حمله خالصتاً د ترهگرۍ اقدام دی. هغه په فلسطیني مشرانو غږ وکړو چې د حملې غندنه دې وکړي

یروشلم کې د یهودیانو په یوه عبادتخانه یا سېناگاگ باندې فسلطیني وسله والو حمله کړې ده او څلور یهودیان يي وژلې دي.

اسرائیلي پولیس ویلي حمله کې څلور نور یهودیان زخمیان دي.

پولیس ترجماني لوبه سامري ویلي حمله کونکو سره تبرونه او ټوبکې وې او د نهې یا سه شنبې په ورځ سحر وختي يي د عبادت په وخت حمله وکړه. پیښه د یروشلم په هار نوف برخه کې رامېنځته شوې ده.

سامري وویل حمله کونکې پولیس ووژل.

اسرائیلي وزیراعظم بینجمین نیټن یاهو حمله د حماس او فلسطیني صدر محمود عباس په راپارونه شوې ده چې نړې والې ټولنې ترې سترگې اړولې دي.

د امریکې خارجه وزیر جان کيري نیټن یاهو سره په ټیلې فون خبرې وکړې او په واقعه يي ورسره غمرازي وکړه. لندن کې خبریالانو سره خبرو اترو کې جان کیري وویل حمله خالصتاً د ترهگرۍ اقدام دی. هغه په فلسطیني مشرانو غږ وکړو چې د حملې غندنه دې وکړي.

په تیره یوه میاشت کې یروشلم او غربي غاړه کې په تشدد کې اضافه شوې ده.

XS
SM
MD
LG