لاس رسیدونکی لینک

بنګله دېش کې د بده مت یو بوډا راهب وژل شوی


په بنګله دېش کې چارواکو وېلي په باندرابن ضلع کې د بده مت مذهب سره تعلق لرونکې د پوخ عمر یو راهب یا مذهبي مشر د نامعلومه وسله والو لخوا وژل شوی.

ځايي پولیس چارواکو وېلي د ۷۵ کلن مونګ شوېي یوچک په وینو لړلی مړی د خالي په ورځ په نیکنګچاري کلي کې موندل شوی. دغه کلی د سرښار ډهاکې نه ۳۵۰ کلومیټره لرې پروت دی.

پولیسو وېلي تر اوسه د دغه راهب د مرګ پړه چا په غاړه نه ده اخستې. خو د تیرڅه وخت راهسې په دغه هیواد کې ازاد فکره لیکوالان، استاذان، خارجیان اود نورو مذهبونو سره تعلق لرونکي خلکو د وژنې پېښې سوا شوي دي.

د بنګله دېش ډېلي سټار اخبار د یو رپورټ تر مخه د دغې پېښې د خبر وروستو په دغه کلي کې یرې ترهې سوا شوي. اخبار د وژل شوي راهب د ځوي لخوا ويلي ( د دوي د چا سره څه دشمني نه وه).

د بشري حقونو لپاره کار کونکي یو وکیل د فرانس خبري ادارې ای – اېف- پي ته وېلي یوچک ته څو وارې د مرګ دهړکې ورکړی شوې وې خو هېچ چا هم دغه په سنجیدګې سره نه وې اخستې.

په بنګله دېش کې د یوچک مرګ په دغه ازاد خیاله یا سېکولر هیواد کې د ازاد فکره لیکوالانو، خارجیانو اود نورو مذهبونو سره تعلق لرونکي خلکو د وژنې تازه پېښه ده.

د دغه وژنو وروستو په بنګله دېش کې د تندروه ګوندنو لخوا د حدفي وژنو اندېښنې نورې هم سوا شوي.

د داعش او القاعده سره تړلي وسله وال ګوندونو وړاندې ددې نه په بنګله دېش کې د دغه شان بریدونو ذمه واري قبوله کړی. خو د بنګله دېش حکومت بیا په خپل هیواد کې د دغه وسله والو ګوندونو موجودیت نه انکاري دی. په دغه هیواد کې تر اوسه شوي دغه شان وژنو نه خو ازادې پلټنې شوي او نه څوک برید کونکي نېول شوي.

XS
SM
MD
LG