لاس رسیدونکی لینک

فلم: آمکا او درې طلایی اصول، یو کتنه


Babar Ahmed, director of AMKA
د بابر احمد د منګولیا د آمکا قېصه ډیره ساده خو د مقصدیت او پیغام سره پکې د منګولیانو د زوړ کلتوري ژوند او تازه دولت مندۍ ته کتنه شوې ده. فلم کې ښودل کېږي چې ېو ېتیم لس کلن هلک امکا چې کله د سرو زرو سکه بیا مومي نو د خپل مشر ورور او، خوږې ورکوټې خور نه ېي زړه واوړي، د خپلو ملګرو او خپلوانو نه جدا شي. د فلم هدایتکار بابر احمد واېي 'امکا او درې طلایی ا صول, د منګولیانو د پخوا او ، وس د ډېرو وسائلو د پېدا کیدو په رڼا کې جوړ شوې فلم دی. بابر واېي:
"منګولیا دا وخت ډیر وسائل لري، خلقو د منګولیانو د800 کاله زوړ ژوند او چنګېز خان په حقله اوریدلي خو په تېرو شلو کالو کې دغلته تېل، یورېنئیم، کاپر او د سرو زرو ذخېرې موندل شوي ځکه دغلته وس بی کچه وسائل دي. په داسې کې د منګولیا سره دوه لارې دي. یوه دا چې د نوي دولت راتلو سره خپل زوړ کلتور وساتي. او بله دا چې هر څه پریږدي او ماده پرستي شورو کړي. هم دغه ددې فلم پېغام دی".

په فلم کې د آمکا قېصه هغه وخت خوند واخلي چې آمکا د ډیر دولت مند کیدلو وروستو ټول مال په لوفرۍ کې اوبائلي او بیا د خپلوانو او دوستانو د قرضونو لاندې ګېر شي. او چې کله ترې دوستان د قرض غوښتو هڅه کوي نو دی ورسره د ډیرې نېست مندۍ په حال کې جګړه وکړي او کور پریږدي ، د تره کره خپل لرې پروت پلارني کلي ته لاړ شي. بابر واېي امکا ته ېي تره د ژوند درې بنیادي اوصول اوښاېي ، گټه وټه، خرچ کول او خوندي کول. آمکا په کلي کې د خپل تره نه د تربیت اخستو وروستو ښار ته ستون شي.
بابر آمکا په منگولیا کې جوړ کړی او کار کونکي هم پکې ځایی عام خلق دي، بابر وایی داسی ښکاري چې منگولیان د کیمرې سره پېدائشي اشنا وي، بابر زیاتوي چې د منگولو او پاکستاننیانو په کلتور کې د یو شان والي په وجې ورته هلته څه مشکلات نه وو. د فلم په زیاتره منظرونو کې ښه اداکاري ليدل کېږي چې د هدایت کار تکړه توب ښایی.
د بابر فلم د امریکا په نیویارک کې د نیو یارک ایشیا هندۍ فلمي میلې یا فیسټیول په څوارلسم ټوک کې ښودل کیدلو. د دغې فېسټېول مشره آرون شېو ډیساېي واېي آمکا د بابر دوېم فلم دی چې دوي ېي ښاېي. "بابر زمونږ د فلمي مېلې مخکې هم برخه ؤ ، څو کاله وړاندې هغه جینېئس فلم راوړې ؤ. او د هغې لپاره ېي ایوارډ ګټلې ؤ. بابر زلمې او تکړه هدایتکار دی".
د بابر فلم ستاېئنه هلته موجودو نندارچیانو هم کوله. په دغه نندارچیانو کې په امریکا کې مشهوره هندوستانۍ اداکاره شيتل سېټ هم وه. شيتل واېي" زه دلته ددې مېلې د ېوې ملاتړې په توګه راغلې یئمه. بابر میلې ته یو ښه فلم راوړی دی".
بابر په پاکستان کې زیږیدلې په لندن کې ېې زدکړې کړي او په امريکه کې ېې د فلمونو جوړولو تربیه کړې . بابر واېي دی په پاکستان کې هم د فلمونه جوړول رزومند دی خو وایی لا ورته موقع نه ده برابر شوې. د فلم پوهان وايي د بابر سبا روڼ دی.
  • 16x9 Image

    رحمان بونیری

    رحمان بونېری په واشنگټن کې د وي او ای ډیوه ملټي میډیا خبریال، د پروگرام واشنگټن ټو خیبر کوربه او د رحمان بونېري په نوم ځانگړي بلاگ کې په فاټا،پاکستان او افغانستان لیکل کوي- وي او ای بونيري ته د وتلي خبریال ډیوډ برک جایزه ورکړې ده-

XS
SM
MD
LG