د افغانستان په ختیز کې د طالبانو په ځانمرگي حمله کې ٢٢ پولیس شوي دي.
د پولیس په مرکز حمله د لوگر ولایت په مرکز پل عالم کې د نهې یا سه شنبې په ورځ وشوه چې د سرښار کابل نه شا او خوا ٦٠ کلومیټره په جنوب کې پرته سیمه ده.
د ولایتي حکومت ترجمان دین محمد درویش د وینا ترمخه یو حمله کونکې د پولیس تاڼې په دروازه کې ځان پورې تړل بم خلاص کړو او دویم حمله کونکې د ودانۍ ددننه په داسې مهال چاودیدونکې مواد وچلول چې پولیس افسرانو غرمي ډوډۍ خوړله.
د ایسوسي ایټډ پریس خبري ادارې د رپورټ ترمخه حمله کې دوه ملکي کسان هم وژل شوي دي.
ای پي د لوگر ولایت د پولیس مشر جنرل عبدالحکیم اسحاقزۍ له قوله وايی حمله کونکو د پولیس دریشۍ اغوستي وي.
ای پي وايي د طالبانو ترجمان ذبیح الله مجاهد د يي میل د لارې د حملې ذمه واري په غاړه اخیستې ده.
په ورستۍ میاشتو کې طالبانو په افغان امنیتي ځواکونو حملې تندي کړې دي. د کال ٢٠١۴ ختمیدو سره سم امریکائي او نیټو ځواکونو افغانستان کې خپلې جنگي کاروائې سر ته رسولې دي او افغان امنیتي ادارو د هیواد د امنیت ذمه وارۍ ترلاسه کړې دي. ویل کیږي هم په دې سبب د افغان ځواکونو تلافات هم زیات شوي دي