د افغانستان او پاکستان د کرکټ ټيمونو ترمنځ د شلو اوورونو د مېچ ټاس د افغانستان ټيم وگټلو او وړومبې بېټنگ يې وکړو .
د افغانستان ټيم په شلو اوورونو کې د اته کهلاړيانو په اؤټ کېدو ۱۳۷ رنزونه جوړ کړل . او د پاکستان ټيم ته يې د ۱۳۸ رنزونو هدف ورکړو .
د متحده عرب اماراتو د شارجه په مېدان کې لوبېدونکي ټوينټي ټوينټې مېچ کې د افغانستان لخوا ترټولو زيات رنزونه ۳۸ نجيب الله ځدران جوړ کړل . هغه په ۳۰ بالونو درې چوکې او دوه چکې ولگولې او د پاکستان جنېدخان اؤټ کړو .
د افغانستان په نورو لوبغاړو کې ميروېس اشرف ۲۸ رنزونه جوړ کړل او ناټ اؤټ پاتې شو . نورو بېټسمېنانو کې اصغر ستانکزۍ ۱۵، محمد نبي (کپتان) ۱۵ ، سميع الله شنواري ۱۶ ، محمد شهزاد ۱ ، نوروز مېنگل ۱ ، دولت ځدران 0 ، حامد حسن ۴ او گلبدين نائب ۳ رنزونه جوړ کړل .
د پاکستان لخوا جنېدخان ۳، سهېل تنوير۲، شاهد اپريدي ۱، زوالفقار بابر۱ او بلاول بهټي ۱ کهلاړي اؤټ کړو .
