د پاکستان او افغانستان د استخباراتي ادارو مشرانو په سرکاري توګه په کابل کې په دوه اړخيزه امنيت او ترهګرۍ پر ضد په همکارۍ خبرې اترې کړي دي.
د پاکستان او افغانستان د استخباراتي ادارو سرچينووي او ای ته ددې تصدیق کړی چې د پاکستان د استخباراتي ادارې ائي اېس ائي مشر لفټننټ جنرل نويدمختار د نهې/ سه شنبې په ورځ په دې موخه دکابل سفر وکړو چې د دواړو هیوادونو د امنيتي ادارو ترمنځ تاؤتريخوالی کم کړی شي.
د جنرل مختار د خپل افغان سيال د اېن ډي اېس مشرمعصوم ستانکزی سره د ليدنې په اړه نور تفصيل مخې ته نه دی راغلی.
د ائي اېس ائي مشر په داسې حال کې د افغانستان سفر کړی دی چې د افغانستان او پاکستان استخباراتي ادارې په يو بل باندې د یو بل د مخالفینو ته د پناه ورکولو الزام لگوي.
دواړو استخباراتي ادارو د اشرف غني د صدارت چوکۍ سمبالولو نه لږ وخت وروستو (په ۲۰۱۴م کې) يوه لوظنامه لاس ليک کړی وه چې موخه يې د یو بل تشویشونه لرې کول وو خو پاکستاني مامورین وايي افغان مطبوعاتو ته د لوظنامې په اړه د خبرونو افشا کیدو له امله په دې عملدرامد ممکن پاتې نشو.
طالبانو په افغانستان کې د سپرلي د جگړې اعلان هم کړی دی او افغان حکومت تور لګوي چې په دغه هیواد کې د اوږدې جګړې لپاره وسله وال د پاکستان خاوره کاروي.
د افغانستان اجرايي رييس عبدالله عبدالله د ګل په ورځ ويلي چې وسله والو د سپرلي عمليات په ګاونډي هیواد کې ترتيب کړي خو نوموړي د پاکستان نوم نه دی اخستی.
پاکستاني چارواکو دا ټول تورونه رد کړي او ويلي يې دي چې د افغانستان سره ۲۶۰۰۰ کلوميټره اوږده پوله د پياوړې کولو لپاره هر ممکن ګام پورته کوي چې داسې دواړو خواو ته د وسله والو تګ راتګ مخه ونيول شي.
د سه شنبې په ورځ د پاکستان پوځ ويلي چې د افغانستان له خوا شوې د دوي په دوه پوستو يې بريد ناکامه کړی چې پکې درې بريد کوونکي وژل شوي، يو شمیر ژوبل شوي او نور تښتېدلي وو.
دا بريد د پاکستان په قبايلي سيمه جنوبي وزيرستان کې شوی و.
دا هفته د پاکستان د پارلیمنټ يو شمیر غړو د افغانستان دوره هم کړې او هلته يې د افغانستان له مشرانو سره ليده کاته کړي دي.
د اياز صادق په مشرۍ دا پينځلس کسيزه پلاوی کابل ته تللی و او د ګل په ورځ بیرته اسلام اباد ته رارسیدلی او دا دوره يوه کاميابه دوره بللې ده.
د چارواکو په وينا چې د سه شنبې په ورځ د قامي اسمبلۍ سپيکر اياز صادق د دې دورې په اړه وزيراعظم نوازشريف خبر کړی دی.
د يو سرکاري بيان ترمخه "وزيراعظم نوازشريف ويلي چې د دواړو خواو د پارلماني استازو د تګ راتګ سره به د خپل منځي اړيکې نورې هم ښې شي او د ګډې موخې په اساس به په منطقه کې ثبات او امن ته وده ترلاسه شي."