پېښور کې د جمعې په ورځ د زرعي تربيتي ادارې په مرکز د برید وروستو امنيتي ادارو عمليات پېل کړي او د نهه مشکوک کسانو نيولو ادعا يې کړې ده.
درېو ترهګرو د جمعې په ورځ د زرعي تربيتي ادارې په مرکز بريد کړی نهه تنه يې وژلي او ۳۷ يې ژوبل کړي وو په وژل شوو کې اته زده کوونکي وو.
تحريک طالبان پاکستان د بريد زمه واري منلې ده.
برید کې د وژل شوؤ زده کوونکو تعلق د خېبرپښتونخوا صوبې د بيلا بيلو برخو سره وو او د هغو د ملګرو په خبره په دوي کې زیات غریبانان وو.
د شنبې يا خالي په ورځ يې خپلو پلارنو سيمو کې جنازې شوي او خاورو ته سپارل شوي دي.
پوليس د پېښې پلټنې پېل کړي او د امنيتي ادارو ترڅنګ د ښار نه بهر بډهـ بېره او چاپېره علاقو کې يې د لټون عمليات کړي دي.
پوليس ويلي نهه مشکوک کسان يې نيولي او او سله يې هم ترې ترلاسه کړې ده، د پوښتنو دپاره نامالومه ځای ته منتقل کړی شوي او پوليس ويلي عملياتو کې يې ۴۵ کورونه لټولي دي.
پوليسو د پښې مقدمه د نامالومه کسانو په نوم درج کړې او د بريد په مهال د وژل شوؤ ترهګرو د مړو پلټنې يې هم پېل کړي دي.
د پوليس رپورټ ترمخه ترهګر په يوه رکشه کې راغلي چې بورقې يې اغوستې وې دوي اول د ادارې په مرکزي دروازه ناست ساتونکی ويشتی او بيا دننه ننوتي دي.
د بريد سمدست پوليس او پوځ موقعې ته رسېدلی او مقابله کې يې ترهګر وژلي وو.