لاس رسیدونکی لینک

د راشدخان ښه بالنګ د مخالفه لوبډلې ملا ماته کړه


۱۹ کلن اسپېنر راشدخان په غوره بالنګ د لوبې غوره لوبغاړی وګرځول شو.

د افغانستان کرکټ لوبډلې د انټرکانتينېنټل کپ د سيالو په فاينل کې ستوري بالر راشدخان په يواځې سر د مخالفه لوبډلې اته لوبغاړي سوځولي دي.

۱۹ کلن اسپېنر راشدخان په غوره بالنګ د لوبې غوره لوبغاړی وګرځول شو.

د انټر کانټينېنټل کپ د څلور ورځو سيالو په فاينل کې د افغانستان لوبډلې د کوربه متحده عرب اماراتو (يو ای اي) ته په لسو وکټو ماتې ورکړه.

راشد د يو ای اي په وړومبي اننګز کې ۲۳ اوورې کړې ۶۹ رنزونه يې ورکړي او درې لوبغاړي يې سوځولي وو.

يوای اي د افغان لوبډلې د وړومبي اننګز د ۵۱۰ رنزونو په ځواب کې ۱۹۷ رنزونه کړي وو، او په دوېم اننګز کې راشدخان په ۳۶ اوورونو کې ۸۳ رنزونه ورکړي او پينځه لوبغاړي سوځولي دي.

راشد په لوبه کې تر ټولو زيات ۵۹ اوورې کړي دي.

پاکستان کې د افغانستان سفير عمر زاخېلوال لوبډلې او افغان اولس ته په بريال اومبارکي ويلې ده.

يوای ای په دوېم اننګز کې ۳۳۱ رنزونه جوړ کړي او افغان لوبډلې ته يې د ۱۹ رنزونو هدف ورکړی کوم چې افغان لوبغاړو بغېر د کوم لوبغاړي سوځېدو ترسره کړه.

د انټر کانټيننټل په سيالو کې د افغانستان، ائيرلېنډ، نېدرلېنډ، هانګ کانګ، متحده عرب اماراتو، سکاټ لېنډ، پاپوا نيوګني او نېميبيا لوبډلو برخه واخسته.

له دې وړاندې تېره مياشت په نومبر کې د افغانستان د ۱۹ کلنو کرکټ لوبډلې پاکستان ته د اسيا کپ فاينل کې ماتې ورکړې وه.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG