د پاکستان د خېبرپښتونخوا په ټانک سیمه کې یوه ښځه وروسته له هاغې سوزول شوې ده کله چې یې خپل مېړه ته د دوهم واده کولو لپاره اجازه ورنکړه.
دغه ظالمانه پېښه تر شلو ورځو پورې له خلکو پټه ساتل شوې وه او یادې ښځې پرون د سه شنبې یا نهې په ورځ د خپلو ټپونو له امله په روغتون کې ساه ورکړه.
پولیسو هم له دغې پېښې چې د ګارا اکورو خان کلي کې شوې بې خبري ښودلې ده.
د سوزول شوې میرمنې پلار محمد خان وویل چې لور یې په زور سره په ۱۷ کلنۍ کې فیض محمد ته واده شوې وه.
پلار یې دا هم ویل چې محمد غوښتل دوهمه ښځه وکړي. په دې ورسره زما لور لانجه وکړه او هغه پرې پټرول وشېندل او اور یې ورته ورته کړ.
محمد خان دا هم وویل چې د لور مېړه یې ددې لپاره چې خپل جرم پټ کړي دا ویل چې ښځې يې خپل ځان په ځپله سوزولی دی.
پولیسو فیض محمد وروسته له هاغې ونیوه کله چې یې خسر يا سخر پرې د پولیسو سره اېف ايي ار درج کړو.
د سوزل شوې انجلۍ يا جينۍ پلار له پولیسو څخه وغوښتل چې د وژل شوې لور په اړه دې له پلټنو وروسته قانوني سزا ورکړي.
