لاس رسیدونکی لینک

امریکايي سرتیري برګډال ته به د بند سزا نه ورکول کیږي


یو پوځي قاضي پریکړه وکړه، چې امریکايي سرتیري بوی برګډال ته به په افغانستان کې له خپلې پوستې څخه د وتلو له امله د بند سزا نه ورکول کیږي خو په سپکه توګه به له پوځ څخه لیرې کیږي.

قاضي دا هم ویلي دي، چې د برګډال پوځي رتبه به اخیستل کیږي او د لسو میاشتو لپاره به هره میاشت زر ډالره نقدي جریمه هم ورکوي.

یاد قاضي ویلي برګډال په افغانستان کې له خپلې پوستې څخه په وتلو خپل ملګري په خطر کې اچولي وو.

قاضي د برګډال په اړه تر دې زیات څه و نه ویل.

طالبانو امریکايي سرتېري بوی برګډال په ۲۰۰۹ کال کې په افغانستان کې هغه مهال نیولی ونیوه چې له خپلې پوځي اډې څخه له اجازې پرته بهر وتلی وه.

طالبانو بیا نوموړی له ګوانتانامو زندان څخه د خپلو پنځو بندیانو د خوشې کېدو په بدل کې له پنځه کاله بند وروسته ازاد کړی و.

XS
SM
MD
LG