لاس رسیدونکی لینک

پاکستان پينځه مياشتې وروستو د چينايانو د وژنې پخلی وکړو


د کوټې نه د مئي په مياشت کې د تښتول شوؤ دوه چينايي ښځې او سړي د وژنې زمه واري تندروه ډلې داعش قبوله کړې وه.

د پاکستان خارجه دفتر پخلی کړی چې د کوټې نه تښتول شوي دوه چينايان ښځه او سړی وژل شوي دي، د وژنې پخلی د ډي اېن ای ټېسټ د لارې شوی دی.

د بلوچستان کچلاک علاقه کې دوه مړي ترلاسه شوي او دغه مړي د چينايي وګړو وو.

د کوټې نه د مئي په مياشت کې د تښتول شوؤ دوه چينايي ښځې او سړي د وژنې زمه واري تندروه ډلې داعش قبوله کړې وه.

داعش د تښتول کېدو دوه اوونۍ وروستو زمه واري منلې خو پاکستاني چارواکو يې په هغه وخت پخلی نه ؤ کړی.

نزدې يوه نيمه میاشت وروستو بيا دوه مړي ترلاسه شوي چې حالت يې ډېر خراب ؤ او د هغو د ډي اېن ای کولو ويل شوي وو.

د پاکستان د بهرنو او کورنو چارو وزارت د چينايانو د تښتول کېدو وروستو تور لګولی ؤ چې دوي په تبليغي هلوځلو کې ککړ وو.

ويل شوي وو چينايي وګړو د کاروباري ويزې سرغړونه کړې او په کوټه کې يې د يو کورين تن نه د اردو زده کولو په نوم تبلیغي هلوځلو کې بوخت شوي وو.

د پاکستان خارجه دفتر په خپل تازه بيان کې د وژل شوؤ د کورنو سره غمرازي کړې او ويلي يې دي پاکستان د هر ډول ترهګرۍ غندنه کوي او د نړۍ سره په ګډه د ترهګرۍ ضد مبارزه کوي.

وزارت ویلي د پېښې پوره پلټنې به کوي او پېښه کې ککړ کسان به د قانون منګولو ته راولي.

XS
SM
MD
LG