لاس رسیدونکی لینک

د ټاکنو کميسيون د عمران خان د نيولو حکم کړی


د عمران خان په ضد د ټاکنو کميسيون کې د عدالت د سپکاوي اورېدنه روانه ده

د پاکستان د ټاکنو کميسيون د تحريک انصاف ګوند مشر عمران خان د نيولو حکم کړی او د اسلام اباد پوليس ته يې ويلي عمران خان دې په ۲۶ اکتوبرکميسيون ته وړاندې ته حاضر کړي.

د عمران خان په ضد د ټاکنو کميسيون کې د عدالت د سپکاوي اورېدنه روانه ده کميسيون هغه له دې وړاندې څو ځله غوښتی خو نه دی حاضر شوی.

له دې وړاندې تېره میاشت د عمران خان د ضمانت وړ امر کړی ؤ.

د ټاکنو کميسيون د عمران خان ځواب هم رد کړی دی.

عمران خان د ټاکنو کميسيون فېصله په اسلام اباد هائيکورټ کې چېلنج کړې اوعدالت بيا دا فېصله معطل کړې وه. تحريک انصاف ويلي نوې فېصله به هم چېلنج کوي.

د ټاکنو د کميسيون مشر سرداررضا خان په مشرۍ پينځه کسيزه ډله کې د سندهـ او پنجاب صوبې غړو د عمران خان د نيولو د حکم ويلي خو د خېبرپښتونخوا او بلوچستان غړو ويلي هغه ته يوه بله موقع ورکړی شي او د هغې وروستو دې د نيولو حکم وشي.

د ټاکنو د کميسيون مشر او د دوؤ صوبو غړي د عمران خان د نيولو په حکم موافقه شوي دي.

د تحريک انصاف د مشر په ضد د ټاکنو کميسيون هغه وخت د عدالت د سپکاوي اورېدنه پېل کړه چې کله نوموړي د ګوند د بهرملکي فنډ يا چندو په اړوند د کميسيون رپورټ د تعصب په بنياد وګرځولو.

تحریک انصاف وايي د ټاکنو کميسيون ته د عدالت د سپکاوي د اورېدنې واک نه دی ترلاسه خو کميسيون وايي د عدالت د سپکاوي اورېدنه کولی شي.

د تحريک انصاف باني غړی اکبر اېس بابر چې اوس يې دغه ګوند پرېښودی دی په کال ۲۰۱۴م کې د ټاکنو کميسيون کې د ياد ګوند د بهرني فنډنګ په اړوند خواست کړی ؤ او دغه اورېدنه تراوسه روانه ده.

XS
SM
MD
LG