لاس رسیدونکی لینک

راپورونه: دجنرال دوستم الوتکه افغانستان کې ښکته کیدو ته نه ده پریښودل شوې


 جنرال دوستم چې د افغانستان یو پخواني والي سره په جنسي تیري تورن دی

راپورونه وایي د افغانستان د ولسمشر د لمړي مرستیال جنرال عبدالرشید دوستم الوتکې ته د بلخ په هوايي ډګر د ناستې اجازه نه ده ورکړل شوې چې له دې امله دغه الوتکه ترکمنستان ته ستنه شوې ده.

جنرال دوستم چې د افغانستان یو پخواني والي سره په جنسي تیري تورن دی اؤ نړیواله ټولنه یې د محاکمې غوښتنه کوي په ترکي کې د ولسمشر اشرف غني دګډ حکومت په ضد یو نوی سیاسي ائتلاف جوړ کړی .

تیره شپه په میډیا دباوري سرچینو له خولې داسې راپورونه خپاره شوي چې جنرال دوستم غوښتل د ترکیې څخه افغانستان ته را وګرځي خو الوتکې ته یې اجازه ورنکړل شوه چې د بلخ په هوایي ډګر ښکته شي. دا مهال د بلخ د هوایي ډګر د امنیت د سمبالښت چارې د جرمني ځواکونو پخپل لاس کې نیولي دي اؤ په بلخ کې والي د جنرال دوستم نزدې ملګری عطاء محمد نور دی .

د افغانستان د جمهوري ریاست د لومړي مرستیال دفتر په یو بیان کې دا راپورونه ناسم بللي چې ګنې جنرال دوستم تیره شپه له ترکیې بیرته راګرځیدلی اؤ بهرنیو ځواکونو یې الوتکې ته د بلخ په هوايي ډګر کې د کوزیدو اجازه نه ده ورکړې .

اعلامیه کې ویل شوي چې “د افغانستان د جمهوري ریاست لومړی مرستیال لا هم د ترکیې په انقره ښار کې دی او تر راتلوونکو څو ورځو یې وطن ته د ستنیدلو پریکړه نه ده کړې".

دجنرال دوستم ددفتر په دغه بیان کې ویل شوي چې جنرال دوستم به په افغانستان کې د دریوؤ ګوندونو د نوي ائتلاف د اعلان په غونډه کې ګډون وکړي خو په دغه بیان کې د غونډې د نیټې په هکله څه نه دي ویل شوي.

داسې رپوټونه هم وو، چې د افغانستان د ملي اسلامي جنبش د ځوانانو څانګې د دوشنبې له ماسپښین را په دې خوا په مزارشریف ښار کې د جنرال دوستم د هرکلي لپاره چمتووالی نیولی وو. افغان حکومت وایي، په دې اړه یې پلټنې پیل کړي، چې پایلې به یې وروسته له رسنیو سره شریکې شي.

XS
SM
MD
LG