لاس رسیدونکی لینک

پېښور، چمن: ځانمرګي بريد او چاؤدنه کې د ملېشې څلور سرتیري وژل شوي


پېښور کې د ملېشې ځواک په کاروان د بريد زمه واري تحریک طالبان پاکستان قبوله کړې ده.

د خېبرپښتونخوا سر ښار پېښور کې د ملېشې ځواک په يو ګاډی ځانمرګی برید کې د ملېشې افسر او د هغه ډرائيور په ګډون درې سرتيري وژل شوي او افغانستان سره په پوله پرته د بلوچستان چمن ضلع کې هم يوه چاؤدنه کې يو عسکر وژل شوی دی.

پېښور کې د ملېشې ځواک په کاروان د بريد زمه واري تحریک طالبان پاکستان قبوله کړې ده.

د پېښور د کنټونمنټ پوليس اېس پي عمران ملک ويلي د ملېشې په کاروان برید د حیات اباد باغ ناران سره نزدې چوک باندې شوی دی.

پوليس افسر ويلي د ملېشې ځواک کاروان د حيات اباد نه قلعه بالاحصار ته په لار ؤ او په هدف شوی دی.

چارواکو ویلي ځانمرګی په موټرسائيکل راغلی او د ملېشې ځواک د ګاډي يې نه يې ځان تمبولی دی.

چارواکو په سمدستي ډول پېښه کې د ملېشې افسر مېجرجمال او د هغه د ډرائيور د وژنې پخلی کړی ؤ، او وروستو بل ژوبل سرتيري ژوند د لاسه ورکړی او د وژل شوؤ شمېر درېو ته رسېدلی دی.

د امدادي ادارې ريسکيو ۱۱۲۲ ویاند بلال احمدفېضي ويلي پېښه کې ژوبلو لسو تنو کې درې د ملېشې عسکر د ابتدايي درمنلې وروستو پوځي روغتون ته استول شوي دي.

په نورو ژوبلو کې درې لاروۍ ښځې هم شامل دي، او ژوبل تنان د پېښور حيات اباد روغتون ته منتقل کړی شوي دي.

د چاؤدنې له امله د ملېشې دوه ګاډي هم په مکمله توګه تباه شوی دی.

د بلوچستان چمن سيمه کې هم نن د ګل يا دوشنبې په ورځ سهار يوه بمي چاؤدنه شوې او د ملېشې يو عسکر پکې وژل شوی دی.

د چارواکو په وېنا د بارودي مواد چاؤدنه بيخي د افغانستان سره پولې ته نزدې شوې ده.

پېښور کې د ملېشې په ځواک ځانمرګی بریداو چمن کې چاودنه په داسې حال کې شوې چې د اتوار په ورځ د پاکستان پوځ د افغانستان سره په پوله پرته قبايلي سیمې خېبرايجنسۍ په شوال او راجګال علاقو کې د خېبر۴ په نوم د پوځي عملياتو پېل کولو اعلان کړی ؤ.

د پوځ وياند مېجرجنرال آصف غفور ویلي په راجګال او شوال کې دغه عملیات د داعش د جنګیالو د سېوا شوي موجودیت له امله پېل کړل شوي او مقصد یې د پولې د پورې غاړې ( افغانستان ) څخه د پاکستان په سیمو کې د داعش د فعالیتونو او اثر رسوخ مخه نیول دي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG