د امریکا صدر ډونلډ ټرمپ د ګل په ورځ د داعش نه د موصل ښار په ازادولو د عراق وزيراعظم او امنیتي ځواکونو ته اومبارکي ويلې ده.
د سپينې ماڼۍ څخه په جاري بيان کې ټرمپ ويلي په موصل کې د تُندلارو ماتې دې پله "اشاره کوي چې په عراق او شام کې د داعش ورځې په شمار دي".
نوموړي ژمنه کړې " د داعش د بشپړې تباهۍ پورې به عمليات دوامداره ساتي".
ټرمپ ويلي امريکا د داعش د لاسه د زرګونو عراقيانو په وژنه، عسکر او پېش مرګه (کردجنګيالو) د ځانونو ورکولو په قربانو غمژنه ده.
د عراق وزیراعظم حېدرالعبادي د ګل په ورځ په رسمي ډول د ګټې اعلان کړی کوم ښار چې داعش تُندلارې ډلې په عراق کې د خپل خلافت پلازمينه ګرځولی ؤ.
د عراق زوړ ښار نه په دولتي ټيلي ويژن وېنا کې عبادي د ظلم، وحشت او ترهګرۍ نه د ګټې اعلان وکړو.
هغه وويل "زه ټولو خلکو ته په موصل کې د موصل نه د ترهګرۍ ډلې داعش د ماتې او بربادۍ اعلان کوم".
عبادي وويل اوس د چېلنجونو سره مخ يُو، چې پکې د داعش تباهي شامل ده د داعش ترهګر اوس هم په ملک کې موجود دي او په ملک کې بې ثباتي پېدا کوي.
د امریکا پوځ د عبادي د بيان هرکلی کړی خو ويلي يې دي د موصل زوړ ښار کې اوس هم د چاؤدېدونکو موادو او داعش د پټو شوؤ وسله والو نه پاکولو ته اړتيا لري.
د عبادي د وېنا نه څو ساعته وړاندې د موصل په ځينو برخو کې سخته جګړه روانه وه.
په موصل کې د عملياتو کوونکو اتحادي ځواکونو امريکايي جنرال لفټننټ جنرال سټيفن ټونسینډ ويلي "دا ګټه يا بريا يواځې د داعش تباهي نه ده اوس هم سخته جګړه په سر پاتې ده".
داعش سره اوس هم د موصل نه بهر ځينې علاقې او د شام غټه علاقه په لاس کې ده.
په دغه جګړه کې په زرګونو عام خلک وژل شوي او نهه لاکه خلک بې کوره شوي دي، د موصل نه چاپېره علاقو کې خلک اوس هم بيرته کورونو ته په تلو کې ځان خوندي نه ګڼي.