امریکايي جنګي الوتکې د اتوار په ورځ د شام هغه جنګي الوتکه راګوزاره کړې چې د داعش په ضد جنګېدونکو د امريکا ملاتړو جنګيالو باندې يې بمباري کړې.
پېنټاګون ويلي د شام د پوځ (اېس يُو ـ ۲۲) جنګي الوتکې د طبقه علاقې سره نزدې په هغو جنګيالو بمباري کړې څوک چې د امریکا په مشرۍ جوړ نړيوال اتحاد په مرسته په سيمه کې د تُندلارې ډلې داعش په ضد جګړه کې بوخت دي.
د پېنټاګون ترمخه د بمبارۍ په خبر ترلاسه کېدو د امریکا د پوځ (سُپرهارنټ) الوتکه علاقې ته لېږل شوې او د شام الوتکه يې ويشتې ده.
تراوسه د ويشتل شوې الوتکې د پائلټ په اړه نه ده معلومه شوې چې ايا هغه د الوتکې ګوزارېدو نه وړاندې په وتلو کې بريالی شوی یا وژل شوی دی.
له دې وړاندې د شام په پوځ په جعدين نومې علاقه کې د نړيوال اتحاد ملاتړو جنګيالو باندې بريد کړی او څو يې پکې ژوبل کړي وو. خو د اتحادي ځواکونو الوتکو د رژيم د ځواکونو جعدين پله تلو مخه نيولې وه.
د امریکې د دفاع محکمې د دغو عملياتو وروستو د روس سره اړيکه ټينګه کړې کوم چې د پېنټاګون په وېنا په سيمه کې د کړکېچ نور سېوا کېدو مخنيوی ؤ.
پېنټاګون ويلي د اتوار د ورځې اقدام يې په شام کې د جوړو قاعدو سره سم او اتحادي ځواکونو د ساتنې دپاره کړی دی.
پېنټاګون زياته کړې، د شام حکومت ، روس يا د شام حکومتي پلوه ځواکونو سره يې جګړه نشته، خو که چرته اتحادي پوځ يا ملاتړو ته يې کومه خطره ورپېښيږي نو ځواب به ورته وايي.