لاس رسیدونکی لینک

روس امریکا ته په شام کې په حکومتي ځواکونو د بريدونو نه کولو خبرداری ورکړی


U.S. Secretary of State Rex Tillerson with Russian Foreign Minister Sergei Lavrov ahead of their bilateral meeting at the Osobnyak Guest House in Moscow, Russia, on April 12, 2017.

روس د خالي يا شنبې په ورځ امریکا ته ويلي د واشنګټن دا اقدام د قبلولو نه دی چې په شام کې په دولتي ځواکونو هوايي بریدونه کوي.

د روس دغه بيان په اسد پلوه ځواکونو د امريکايي پوځ د هوايي بريد وروستو راغلی دی، تېره مياشت دا هوايي برید شوی ؤ.

د روس د بهرنو چارو وزارت ويلي د بهرنو چارو وزیر سرګۍ لاروف دا پېغام خپل امریکايي سيال رېکس ټېلرسن ته د شنبې په ورځ په ټيليفون ورکړی دی، ټيليفون امریکايي وزير کړی ؤ.

امريکايي چارواکو تېره میاشت رويټرز خبري ادارې ته ويلي ؤ امریکايي ځواکونو هغه وخت د شام په جنوبي سيمه کې د صدربشارالاسد پلوه ملېشه باندې بمونه غورځولي وو چې کله دويې د امريکې او امريکې ملاتړو جنګيالو دپاره د خطرې سبب جوړ شو.

روس ويلي د امریکې دا اقدام د شخړې د سياسي حل په لار کې خنډ جوړېدی شي او دا برید د شام د خپلواکۍ سرغړونه وه، شام په منځني ختيځ کې د روس نزدې اتحادي دی.

د روس د بهرنو چارو وزارت ويلي، سرګۍ لاروف د شام پلوي ځواکونو باندې د امريکا د بريد اصولي اختلاف کړی او په راتلونکې کې يې د داسې پېښو د مخې نيولو دپاره د اقداماتو کولو ويلي دي.

دواړو وزيرانو د شام د وضعيت په اړه يو بل سره خپلې خبرې شريکې کړي او تاييد يې کړی چې د دغه شخړې د هواري دپاره به يو بل سره مرسته کوي.

د وزارت بيان کې وېل شوي لاروف او ټېلرسن د قطر او نور عربي هېوادونو ترمنځ د کړکېچ د خبرو د لارې هوارولو په اړه خبرې اترې کړي دي.

XS
SM
MD
LG