لاس رسیدونکی لینک

د نایجیریا پوځ په تېروتنه د کډوالو په کېمپ بمباري کړې


یو پوځي چارواکي ویلي هدف يې د بوکوحرام وسله وال وو خو برید د کډوالو په کېمپ باندې شوی دی.

د نایجیریا پوځ د نهې په ورځ د بې کوره شوؤ خلکو په یو کېمپ په تېروتنه بمباري کړې او د ۵۰ نه زیات کسان يې وژلي دي.

یو پوځي چارواکي ویلي هدف يې د بوکوحرام وسله وال وو خو برید د کډوالو په کېمپ باندې شوی دی.

د (رڼ) په نوم دې کمېپ کې هغه خلک ژوند کوي چې د ترهګرو د لاسه په کډو کولو مجبور شوي وو.

د نایجیریا صدر محمد بحاري په خپل ټویټر اکاؤنټ د پېښې د اغېزمنو د ملاتړ ژمنه کړې او ویلي يې دي (په خواشينۍ يې دغه خبر ترلاسه کړی چې هوايي ځواک يې په بورنو ریاست کې په حادثاتي توګه د وسله والو په ځای په رڼ کې په ځایي خلکو بمباري کړې ده.

د بې پولې ډاکټرانو امدادي ډلې (اېم اېس اېف) ویلي ویلي بورنو کې یې د ۱۲۰ ژوبلو کسانو درملنه کړې او اېم اېس اېف څو ساعته وروستو په خپره کړې خبر پاڼه کې د وژل شوؤ شمېره ۵۲ ښودلې ده.

د رېډکراس نړیوالې کمېټۍ ویلي په وژل شوؤ کې د نایجیریا سره تعلق لرونکي شپږ غړي هم شامل دي.

په سیمه کې د بوکوحرام د وسله والو په ضد عملیات کوونکی پوځي مشرمېجرجنرال لکي ارابر ویلي، دوي ته په دغه ځای کې د وسله والو د موجودګۍ خبر ؤ.

د ملک پلازمینه کې خبریالانو سره په خبرو کې نوموړي ویلي (د بده مرغه برید کې د رڼ کومه بله علاقه په هدف شوې ده).

د بشري حقونو د څار ادارې په یو بیان کې د نایجیریا د حکومت نه د اغېزمنو د کورنو سره د مرستې غوښتنه شوې ده.

دغه بمباري په داسې حال کې شوې چې د نایجیریا پوځ ادعا کړې د بورنو زیاتره برخه چې د بوکوحرام قوي مرکز کې جګړه په وروستي پړاؤ کې ده چرته چې په اته کاله موده کې ۲۰ خلک وژل شوي او دوه ملینه بې کوره شوي دي.

XS
SM
MD
LG