لاس رسیدونکی لینک

پاکستان : په دوو رکشو ريل ګاډى ورختلى،٧ زده کوونکي مړه


خبري ادارې ايسوسي ايټد پريس دپوليس افسر جاويد احمد له خُلې ويلي دلودهران سره نزدې دجمعې په سحر پاټلو څخه داوړيدو په مهال درکشو ډرايورانو دسختې لړې له امله دراتلونکي ريل ګاډي درفتار جاج په صحيح طريقې سره وانه خستى شو، ريل ګاډى دکراچۍ څخه لاهور ته روان و.

پوليس وايي دپاکستان دپنجاب په لودهران سيمه کې يو ريل ګاډى په دوو رکشو ورختلى چې له امله يې اووه زده کوونکي مړه شوي دي.

خبري ادارې ايسوسي ايټد پريس دپوليس افسر جاويد احمد له خُلې ويلي دلودهران سره نزدې دجمعې په سحر پاټلو څخه داوړيدو په مهال درکشو ډرايورانو دسختې لړې له امله دراتلونکي ريل ګاډي درفتار جاج په صحيح طريقې سره وانه خستى شو، ريل ګاډى دکراچۍ څخه لاهور ته روان و.

احمد وويل پيښه کې دپينځوو څخه داتوو کالونو دعمل پينځه ماشومان او درکشې يو ډرايور سخت ژوبل شوي دي.

دپېښې څخه وروستو دمړو شوو ماشومانو دکورنۍ غړي او دسيمې خلک په ګڼ شمير کې سيمې ته ورسيدل.

امدادي غړو مړي او ژوبل کسان لمړى ډسټرکټ هيډکوارټرز هسپتال ته يوړل او بيا سخت ژوبل شوي کسان دبهاولپور هسپتال ته ورسولى شول.

دپنجاب وزيراعلي شهباز شريف په پيښه دافسوس څرګندونه کړې او ژوبل شوو کسانو ته يې داسانتياوو ورکولو امر کړى.

دپاکستان دريلوى وفاقي وزير خواجه سعد رفيق پيښه کې درکشې دډرايور او اوو ماشومانو دمړينې پخلى کړى او ويلي يې دي چې دپېښې په مهال ريلوى پهاټک پرانستى و، هغه ويلي دپېښې پلټنې به کولى شي دوو شواروزو کې به راپور مخې ته راشي.

XS
SM
MD
LG