لاس رسیدونکی لینک

تازه خبر

 یونس خان په سلیزه جوړولو په ټیسټ کرکټ کې نوی ریکارډ جوړ کړو


یونس خان د اسټریلیا سره روان ټیسټ مېچ کې د خپل کېرئير ۳۴م سلیزه جوړه کړه
یونس خان د اسټریلیا سره روان ټیسټ مېچ کې د خپل کېرئير ۳۴م سلیزه جوړه کړه

د پاکستان کرکټ لوبډلې پخواني کپتان او ستوري لوبغاړي یونس خان د اسټريلیا کرکټ لوبډلې په ضد د سډنې په لوبغالي کې روان ټیسټ مېچ کې د سلیزې جوړولو سره د کرکټ په تاریخ کې نوی ریکارډ په خپل نوم کړو.

یونس خان د اسټریلیا سره روان ټیسټ مېچ کې د خپل کېرئير ۳۴م سلیزه جوړه کړه او د دې سره د نړۍ په هغو ملکونو چرته ټیسټ کرکټ لوبيږي، په دغو ټولو ملکونو کې سليزې جوړونکی وړومبی لوبغاړی جوړ شو.

د خېبر پښتونخوا مردان سیمې سره تعلق لرونکی یونس خان د خپل کیريئر ۱۰ زرو رنزونو پوره کولو نه یواځې ۷۵ رنزونه لرې دی. نوموړي په ۱۱۴مېچونو کې ۹۷۸۹ رنزونه جوړ کړي دي.

د کرکټ په تاریخ کې یواځې ۱۲ لوبغاړي داسې دي چې ۱۰ زره رنزونه يې جوړ کړي دي.

یونس خان چې د ټیسټ کرکټ لوبې په ۱۱ ملکونو کې سلیزې جوړې کړې له دې وړاندې دغه ریکارډ د هند د راهول ډرېوډ سره ؤ، او هغه د ټیسټ کرکټ په ۱۰ ملکونو کې سليزې جوړې کړې وې.

يونس خان په کال ۲۰۰۰م کې ټيسټ کرکټ پېل کړی او د هغه په کپتانۍ کې پاکستان په کال ۲۰۰۹م کې د ټي ټوېنټي کرکټ نړيوال کپ هم ګټلی وو.

دا وخت په سډني کې د پاکستان او اسټریلیا لوبډلو ترمنځ د ټیسټ کرکټ سیالو د درېو لوبو د وروستي مېچ د درېمې ورځې لوبه روانه ده.

اسټریلیا په خپل وړومبي اننګز کې ۵۳۸ رنزونه جوړ کړي او په ځواب کې يې پاکستان په اته ؤ لوبغاړو سوځېدو ۲۷۱ رنزونه جوړ کړي دي.

دا وخت یونس خان او یاسر شاه په مېدان کې دي.

اسټریلیا د وړاندې نه په دواړو ټيسټ مېچونو کې پاکستان ته ماتې ورکړې او دغه سیریز یې په خپل نوم کړی دی.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG