دبرازيل شمال لويديز رياست اميوزناس کې موقعيت لرونکي زندان کې درامينځته شوو نښتو له امله لږ ترلږه ٦٠ کسان وژل شوي او چارواکو دمړو شمير کې دزياتوالي انديښنه څرګنده کړې ده.
دچارواکو وينا ده چې اړى ګړى داتوار په ورځ دمناؤ په مقام جوړ آنسيو جوم پنيشري مرکز کې دنشه اي موادو دمخالفو ډلو ترمينځ نښته پيل شوې دکوم څخه وروستو چې دزندان دديوال څخه ګڼ سر پرې کړي مړي بهر غورځول شوي دي.
درياست په امنيتي چارو دمامور مشر،سرګيو فوټيز وينا ده چې ددغه اړي ګړي په مهال ګڼ شمير بنديان تښتيدلي او ساتونکي شميره کوي چې په دغه مهال څومره بنديان تيښته کې بريالي شوي دي،
مطبوعاتي کانفرنس ته دوينا په مهال هغه وويل دا دهيواد په تاريخ کې رامينځته شوى ترټولو لويې قتل عام دى.
هغه ويلي دي چې څلويښت بنديان بيرته نيول شوي دي.
دهغه وينا وه دغه زندان کې ١٢٢٤ بنديان وؤ کوم چې د٥٩٢ بنديان لپاره جوړ کړى شوى و.
بنديانو دولس دزندان ساتونکي يرغمال کړي خو په هغوي کې چاته مرګ ژوبله نه ده اوښتې.
دهيومن رايټس واچ په ګډون دبشري حقونو دتحفظ ډلو دبرازيل دبندي خانو په نظام نيوکه کړې، چرته چې دګنجايش څخه زيات بنديان ساتل کيږي، چې له امله يې دتيرو څو کالونو په مهال دغه رقم خونړۍ پېښې رامينځته کيږي.
